“Wyndham Tashkent” меҳмонхонасида бўлиб ўтаётган “Тинчлик – дунё динларининг муҳим тамойили” мавзусидаги илмий-амалий конференцияда Тошкент ислом институти ректори Уйғун Ғафуров “Ислом – тинчлик ва эзгулик дини” мавзусида маъруза қилди.
У.Ғафуров ўз нутқида, Ислом динининг тинчлик ва бағрикенгликка асосланганлигини, зўравонлик ва бузғунчиликка қарши эканини таъкидлаб, ижтимоий барқарорликни таъминлаш, ёшлар ўртасида инсонпарварлик ғояларини кенг ёйиш ҳамда турли дин ва миллат вакиллари ўртасида ҳамжиҳатликни мустаҳкамлаш муҳимлигига эътибор қаратди.
