Улар ўзларига келган беморга “қора илашган” деганга ўхшаш “ташхис” қўйишиб, қўй ё қора товуқ(ёки хўроз)нинг қонини беморнинг юзига ва уёқ-буёғига суртиб қўйишади. Улар жонлиқни Аллоҳнинг номи билан (яъни “Бисмиллаҳи, Аллоҳу акбар” деб) эмас, балки, ўзлари турли номлар билан аташган жин-шайтонларнинг номлари билан сўйишади. Шунда жин-шайтонлар ўзларининг номига аталган жонлиқ қонидан базм қилишади. Ўрганишлар шуни кўрсатадики, агар бемор жин тегишига доир касаллика чалинган бўлиб, фолбинлар сўзига кирган ҳолда юқоридаги “қонлаб қўйиш” амалиётини қилса айрим вақтларда жинлар бирор муддат бундай одамга тегмай ҳам турадилар. Бироқ вақт ўтиб яна ўзларини йўлларига қон сўрайдилар ва бу ҳолат шу тобда давом этавериб, охирида Одам алайҳис салом ва Иблис орасидаги қадимий адоват сабабли қаттиқроқ ҳужум қиладилар.
Али ибн Абу Толибдан ривоят қилинади:
“Аллоҳ номидан бошқанинг номи билан сўйган кишини Аллоҳ таоло лаънатлагандир.” деб. (Имом Муслим ривояти)
Аллоҳ таоло Қуръони каримда:
“Инсонлардан бўлмиш (айрим) кишилар жинлардан бўлмиш кимсалардан паноҳ тилашар, уларга(яъни, жинларга) эса янада ҳаддан ошишни зиёда қилур эдилар” (Жин сураси, 6-оят)
“Сеҳргарлар ва фолбинлар жинлардан ёрдам сўрайди, бу эса ширкдир. Чунки жинлардан ёрдам сўраш Аллоҳ таолони қўйиб, бошқадан ёрдам сўраш демакдир.” (39-бет)
Ҳайвон сўйилганда оққан қон уламолар ижмосига кўра ҳаромдир.
ЎМИ Қашқадарё вилоят
вакиллиги ходими
