islom-instituti@umail.uz | +998-71-227-42-37

Диний-маърифий соҳа ходимлари моддий рағбатлантирилади

Президентнинг ва Ҳукуматнинг айрим ҳужжатларига ўзгартириш ва қўшимчалар киритилди (21.04.2021 йилдаги ПФ-6212-сон).

Қуйидаги ҳужжатларга ўзгартириш ва қўшимчалар киритилди:

  • Президентнинг 16.04.2018 йилдаги «Диний-маърифий соҳа фаолиятини тубдан такомиллаштириш чора-тадбирлари тўғрисида»ги ПФ-5416-сон Фармони;
  • Президентнинг 23.05.2017 йилдаги «Ўзбекистон Республикаси Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси фаолиятини ташкил этиш тўғрисида»ги ПҚ-2993-сон қарори;
  • Президентнинг 16.04.2018 йилдаги «Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита фаолиятини такомиллаштириш чора-тадбирлари тўғрисида»ги ПҚ-3668-сон қарори;
  • Президентнинг 4.09.2019 йилдаги «Диний-маърифий соҳа фаолиятини такомиллаштириш бўйича қўшимча чора-тадбирлар тўғрисида»ги ПҚ-4436-сон қарори;
  • Президентнинг 11.08.2020 йилдаги «Имом Мотуридий халқаро илмий-тадқиқот марказини ташкил этиш чора-тадбирлари тўғрисида»ги ПҚ-4802-сон қарори;
  • Вазирлар Маҳкамасининг 6.11.2020 йилдаги «Ўзбекистон халқаро ислом академияси ҳузуридаги Имом Мотуридий халқаро илмий-тадқиқот маркази фаолиятини ташкил этиш чора-тадбирлари тўғрисида»ги 693-сон қарори.

Биринчидан, ПФ-5416-сон Фармонга киритилган ўзгартиришларга мувофиқ белгиланишича, Халқаро ислом академияси Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитаси муассислигидаги давлат таълим ва илмий-тадқиқот муассасаси ҳисобланади.

Белгиланишича:

  • Дин ишлари бўйича қўмита;
  • Ўзбекистон халқаро ислом академияси;
  • Ўзбекистондаги ислом цивилизацияси маркази;
  • Имом Бухорий халқаро илмий-тадқиқот марказининг

раҳбарияти, ўқитувчи, илмий ходим ва мутахассисларига Ягона тариф сеткаси бўйича меҳнатга ҳақ тўлаш разрядларига кўра тариф коэффициентлари ва базавий лавозим маошлари 3 баравар (Дин ишлари бўйича қўмита раисига, Марказ раҳбарияти ва ходимларига – 4 баравар) миқдорда қўлланилади.

Иккинчидан, милларлараро муносабатлар ва хорижий мамлакатлар билан дўстлик алоқалари қўмитаси бошқарув ходимларига Ягона тариф сеткаси бўйича меҳнатга ҳақ тўлаш разрядларига кўра тариф коэффициентлари ва базавий лавозим маошлари 2 баравар миқдорда қўлланилиши белгиланган.

Бундан ташқари, Қўмита бошқарув ходимларининг лавозим маошига қуйидаги миқдорларда ҳар ойлик қўшимча ҳақ тўланади:

  • фан номзоди ёки фалсафа доктори (PhD) ёхуд хорижий мамлакатларда уларга тенглаштирилган бошқа илмий даражага эга шахслар учун – лавозим маошининг 30%игача;
  • фан доктори (Doctor of Science) ёки хорижий мамлакатларда унга тенглаштирилган илмий даражага эга шахслар учун – лавозим маошининг 60%игача миқдорда.

Бошқа ўзгартириш ва қўшимчалар ҳам киритилган.

Ҳужжат Қонун ҳужжатлари маълумотлари миллий базасида эълон қилинган ва 22.04.2021 йилдан кучга кирди.

 

Наргиза Воҳидова.

227551cookie-checkДиний-маърифий соҳа ходимлари моддий рағбатлантирилади
Дўстларга улашинг:

Мавзуга доир:

1 та фикр мавжуд
  1. Muhammad amin

    Assalomu aleykum olloxim rozi bolsin qilayotgan yaxwiliklaridan prezidenttimisni wu ustozlarimizni orqasidan texnik xodim xojalik bolimi xodimlarini xam oylik maowlarini korib chiqiwingizni iltimos qilib soraymiz bu insonlarni mexnati xalol va wu insonlar bolmasa xech kim xotirjam iwla olmaydiki oldindan raxmat

Сиз нима дейсиз, фикр билдиринг:

Диний-маърифий янгиликлардан хабардор бўлинг!