معني الروح
26-савол: Қуръони каримда руҳ калимаси етти жиҳатда келади, улар қайси?
26-жавоб:
Биринчиси: Раҳмат маъносида:
وَأَيَّدَهُمْ بِرُوحٍ مِنْهُ
«Уларни Ўз ҳузуридан бир руҳ билан қўллагандир» (Мужодала сураси, 22-оят).
Иккинчиси: Қиёмат кунида бутун махлуқотлар қаршисида бўладиган буюк фаришта маъносида:
يَوْمَ يَقُومُ الرُّوحُ وَالْمَلَائِكَةُ صَفًّا
«Ўша кунда Руҳ ва фаришталар саф бўлиб турар» (Набаъ сураси, 38-оят).
Учинчиси: Жаброил алайҳиссалом маъносида:
نَزَلَ بِهِ الرُّوحُ الْأَمِينُ . عَلَى قَلْبِكَ
«Уни Руҳул Амийн олиб тушди. Сенинг қалбингга…» (Шуаро сураси, 193, 194-оятлар).
Тўртинчиси: Ваҳий ва Қуръон маъносида:
وَكَذَلِكَ أَوْحَيْنَا إِلَيْكَ رُوحًا مِنْ أَمْرِنَا
«Ана шунга ўхшаш, Биз сенга Ўз амримиздан бир руҳни ваҳий қилдик» (Шуро сураси, 52-оят).
Бешинчиси: Ийсо алайҳиссалом маъносида:
إِنَّمَا الْمَسِيحُ عِيسَى ابْنُ مَرْيَمَ رَسُولُ اللَّهِ وَكَلِمَتُهُ أَلْقَاهَا إِلَى مَرْيَمَ وَرُوحٌ مِنْهُ
«Албатта, Масийҳ Ийсо ибн Марям Аллоҳнинг Пайғамбари, Марямга илқо қилганкалимаси ва Ундан бўлган руҳдир» (Нисо сураси,171-оят).
Олтинчиси: Унда ҳаёт моддаси бўлган латоиф маъносида:
وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُمْ مِنَ الْعِلْمِ إِلَّا قَلِيلًا
«Ва сендан руҳ ҳақида сўрарлар. Сен: «Руҳ Роббимнинг ишидир. Сизга жуда оз илм берилгандир», – деб айт» (Исро сураси, 85-оят).
Еттинчиси: Уломолар шундай дейишган: «Аллоҳ таоло Ўзининг мўмин бандаларидан хоҳлаганини нусрат, сабот ва куч билан қўллаб-қувватлаши маъносида:
أُولَئِكَ كَتَبَ فِي قُلُوبِهِمُ الْإِيمَانَ وَأَيَّدَهُمْ بِرُوحٍ مِنْهُ
«Аллоҳ ундоқ кишиларнинг қалбларида иймонни собит қилган, уларни Ўз ҳузуридан бир руҳ билан қўллагандир» (Мужодала сураси, 22-оят).
Таҳфизул Қуръон кафедраси
ўқитувчиси Исломхон Убайдуллаев,
Қосим Ошурнинг
“Қуръоний жавҳарлар: 1000 саволга 1000 жавоб”
китоби асосида тайёрлади
