يوم رهيب
29-савол: Аллоҳ таоло айтади:
وَقَالَ الْإِنْسَانُ مَا لَهَا يَوْمَئِذٍ تُحَدِّثُ أَخْبَارَهَا
«Ва инсон: «Унга нима бўлди?! – деса… Ўша кунда у (ер) ўз хабарини айтадир» (Залзала сураси, 3, 4-оятлар).
Бунинг тафсири қандай?
29-жавоб: Абу Ҳурайра розияллоҳу анҳудан ривоят қилинади:
«Росулуллоҳ соллоллоҳу алайҳи ва саллам ушбу оятни ўқидилар. Шунда ўтирганлар «Аллоҳ ва Росули билувчироқдир», дейишди. У Зот: «Унинг (ернинг) хабари ҳар бир банда ва ҳар бир умматга унинг устида фалон-фалон кунлари шундай-шундай ишларни қилдилар, деб гувоҳлик беришидир. Мана шу унинг хабаридир», дедилар.
