Тошкент ислом институти профессор-ўқитувчи, ишчи-ходим ва талабаларнинг муҳим сиёсий жараён – референдумда муносиб иштирок этмоқда. Бу тадбир шунчаки овоз бериш эмас, балки халқимиз ҳаётида янги саҳифа очиши кутилмоқда. Чунки янгиланган Конституцияда фуқароларимиз ҳуқуқ ва манфаатларини ҳимоя қилиш даражаси бир неча марта оширилмоқда.
Референдум жараёнларида ҳар бир фуқаронинг шахсан ўзи иштирок этиши орқали ўз сиёсий иродасини намоён қилишини тарғиб қилиш, уларнинг ҳуқуқий билимларини юксалтириш мақсадида тошкент ислом институтининг профессор-ўқитувчи, ишчи-ходим ва талабалари учун конституциявий ислоҳотларнинг мазмун-моҳиятини тушунтиришга қаратилган “Янги Ўзбекистон – ҳуқуқий демократик давлат: инсон ҳуқуқ ва эркинликларини ҳимоя қилишнинг ҳуқуқий асослари, қонунчиликни янада ривожлантириш истиқболлари” мавзусида қатор давра суҳбатлари ўтказилди.
ТИИ матбуот хизмати
