Соғлом турмуш тарзи инсон саломатлигини мустаҳкамлашнинг асосий мезонидир. Тошкент ислом институтида соғлом турмуш тарзини кенг тарғиб қилиш мақсадида Ёшлар билан ишлаш, маънавият ва маърифат бўлими томонидан «Спорт-саломатлик гарови» шиори остида талабалар ўртасидаги футбол мусобақасига старт берилди.
Инсон соғлом ҳаёт йўлини танласа, албатта спортнинг у ёки бу тури билан мунтазам шуғулланмоғи керак. Зеро, ҳадиси шарифларда ҳам заиф мўминдан кучли ва соғлом мўмин яхшироқ эканлиги таъкидланади. Инсон саломатлиги буюк неъмат. Турли-туман касалликларга қарши курашишда биринчи галда иммун тизими мустаҳкам бўлиши, тана доимий ҳаракатда бўлиши талаб этилади. Соғлом турмуш тарзи эса бу — ҳар қандай касалликлар профилактикаси ва саломатлик, куч-қувват гаровидир.
Ёшлар билан ишлаш, маънавият ва
маърифат бўлими ходими У.Тўйчиев
