Тошкент ислом институтида “Ноябр – Фиқҳ, усулул фиқҳ, фароиз фанлари ойлиги” доирасида 1-курс талаба қизлари “Ақоид ва фиқҳий фанлар кафедраси” ўқитувчиси Ҳ.Зойирова бошчилигида Ўзбекистон Мусулмонлари идораси қошидаги Фатво марказига ташриф буюрди.
Ташриф давомида талаба қизлар марказ фаолияти, унинг бугунги кундаги аҳамияти, Колл-марказида кечаётган иш жараёнлари билан яқиндан танишдилар. Шу билан бирга марказ ходимлари марказга қайси мавзуларда кўпроқ мурожаат тушаётгани, уларнинг долзарблиги ҳақида маълумот бериб, бугунги кунда аёл мутахассисларга ҳам эҳтиёж катталиги борасида гапириб ўтдилар.
ТИИ “Ақоид ва фиқҳий фанлар”
кафедраси ўқитувчиси Ҳ.Зойирова
