{…قرت عين لي و لك…}
((Бу бола) мен учун хам, сен учун хам кўз қувончидир.)
(Қасос – 9)
Бу иборалар Осиё бинту Музахимнинг Мусо алайҳиссалом борасида фиръавнга айтган сўзларидир. Аёлини тинглагач, Фиръавн: “Майли, сенга кўз қувончи бўлаверсин. Менга эса, унинг кераги йўқ” деди.
Айнан шу ҳодиса тўғрисида Набий алайҳиссалом айтадиларки: Аллоҳга қасамки, ўшанда Фиръавн аёли каби ўзи учун хам, Мусо алайҳиссаломни кўз қувончи бўлишини ният қилганида эди, Аллоҳ фирьавннинг аёлини ҳидоят қилганидек, уни хам албатта ҳидоят қилган бўлар эди. Лекин Аллоҳ уни бундай бахтдан маҳрум қилди.
Азизлар, билингки, сўзларнинг инсон ҳаётига кучли таъсири бор. Шундай экан, хар ишни яхшиликка ёйинг, шунда, албатта, яхшиликни топасиз. Бирор ишга киришган киши ич-ичидан уни ўзи учун “бахтсизлик” деб ўйласа, ўша иш унга фақатгина бахтсизлик келтиради. Турмуш қураётган киши никоҳни “зарар келтирадиган битим” деб ҳисобласа, ўзи айтганидек никоҳи у учун фақатгина зарар келтиради. Шу сабабли, гумонларингиз ва сўзларингизни гўзал қилинг. Зеро, унутманг, кўпинча инсон ўз тилидан тутилади!
Адҳам Шарқовийнинг “Куръондан мактублар” китобидан
203-гуруҳ талаба қизлари
