Шаввол ойининг олти кунлик рўзаси учун саҳарликда қуйидагича ният қилинади:
“Навайту ан асума совма шаҳри Шаввол минал фажри илал мағриб холисан лиллаҳи таъала”.
Таржимаси: “Аллоҳ розилиги учун шаввол ойининг рўзасини тонг саҳардан то қуёш ботгунча ихлос билан тутишга ният қилдим”.
Шаввол ифторлигида ҳам худди Рамазондагидек дуо ўқиб оғиз очилади:
“Аллоҳумма лака сумту ва бика аманту ва аълайка таваккалту ва аъла ризқика афтарту, фағфир ли, я Ғаффару, ма қаддамту ва ма аххорту”.
Таржимаси: “Аллоҳим, Сен учун рўза тутдим, Сенга иймон келтирдим, Сенга таваккул қилдим ва Сенинг ризқинг билан ифтор қилдим. Эй мағфират қилувчи Зот, олдинги ва кейинги гуноҳларимни мағфират эт”.
Саҳарликда таомланишдан олдин қуйидаги дуони ўқиш тавсия этилади:
“Аллоҳумма, барик лана фиҳи ва атъимна хойран минҳу!”
Таржимаси: “Аллоҳим, буни баракали қил ва бизни бундан ҳам яхшироғи билан таомлантир!”
Рамазон ойининг қазо рўзаси учун саҳарликда қуйидагича ният қилинади: “Навайту ан асума совма қазо шаҳри Рамазон минал фажри илал мағриб холисан лиллаҳи таъала”.
Таржимаси: “Рамазон ойи қазо рўзасини тонгдан то қуёш ботгунга қадар Аллоҳ учун ихлос билан тутишга ният қилдим”.
ТИИ “Қуръон илмлари” кафедраси ўқитувчиси Зафар қори Маҳмудов
