islom-instituti@umail.uz | +998-71-227-42-37

Жума намозида кар-соқовлар учун хона ажратилиб, маъруза сурдо-таржима орқали етказилди

Бугунги кунда мамлакатимизда ҳукуматимиз томонидан келажагимиз ворисларини ҳар тарафлама етук қилиб тарбиялаш борасида кенг кўламли ислоҳотлар олиб борилмоқда.

Айниқса, имконияти чекланган (кар-соқовлар) шахсларга зарур шарт-шароитлар яратиб бериляпти. «Адолат» СДП Тошкент шаҳар Олмазор тумани кенгаши, 24-Сағбон сайлов округи депутати Луиза Ҳикматова ҳамда хусусий тадбиркор Муҳаммадбобур Ходжаев билан ҳамкорликда Ўзбекистон «VETERAN» жангчи-фахрий ва ногиронлар бирлашмаси қошидаги «IT-ASIA» МЧЖ «Surdo online Uzbekistan» дастури орқали пойтахтимизнинг Олмазор туманидаги «Ат-Термизий» жомъе масжидида имконияти чекланган (кар-соқовлар) инсонларга намоз ўқишлари учун шароит яратиб берилди.

Улар учун алоҳида хона ажратилиб, мониторга «Surdo online Uzbekistan» дастури ўрнатилди. Сурдо-таржимон масжид имом хатибининг маърузасини сурдо онлайн тарзда имконияти чекланган инсонларга етказиб берди. Ўз ўрнида 12 июль кунги жума номозида «Ат-Термизий» имом хатиби Роббимқул Муҳаммадиев ва жума намозига йиғилган юртдошларимиз мазкур лойиҳани жорий этган саҳоватпеша инсонлар ҳақига дуо қилишди.

 Манбаа: Хabar.uz

97340cookie-checkЖума намозида кар-соқовлар учун хона ажратилиб, маъруза сурдо-таржима орқали етказилди
Дўстларга улашинг:

Мавзуга доир:

Сиз нима дейсиз, фикр билдиринг:

Диний-маърифий янгиликлардан хабардор бўлинг!