Тошкент ислом институтига ҳужжат топширинг

Хуш келибсиз!

Ислом илмлари ва замонавий фанларни пухта ўрганиб, етук мутахассисга айланмоқчи бўлсангиз, Ўзбекистон мусулмонлари идораси тасарруфидаги Имом Бухорий номидаги Тошкент ислом институтига хуш келибсиз!

Тошкент ислом институтида илмий салоҳияти юқори, тажрибали устозлар томонидан асл манбалар асосида профессионал таълим берилади. Сиз, ушбу илм даргоҳида ўқиб, диний соҳага ва инсонларга нафи тегадиган кадр бўлиб чиқишингизга ишонамиз. Дунё ва охиратга фойдали илмларни шу ерда эгалланг!

Ўқиш муддати

Кундузги таълимда 4 йил ва модуль таълимда 3 йил. Кундузги таълимга 18 ёшга тўлган абитуриентлар ҳужжат топшира оладилар.

Мутахассислик

Ўқишни тамомлагач, битирувчига имом-хатиб, араб тили ўқитувчиси ва исломшунослик мутахассислигига эга диплом берилади.

Аёл-қизлар

Аёл-қизлар отинойи, вилоят ва туманларда маънавий-маърифий ва диний масалалар бўйича маслаҳатчи ёки ўқитувчи бўлиб ишлаши мумкин.

Таълим тўлови

Тошкент ислом институтида талабалар тўлов-контракт асосида таълим оладилар. Талабаларга, олган баҳосига кўра стипендия тўланади.

Кундузги таълим учун

Қабул ҳайъатига ҳужжат топшириш тартиби

Ҳужжат топшириш учун

Абитуриент ўрта махсус ислом таълим муассасаси – мадрасаларнинг бирини тамомлаган бўлиши керак. Ҳужжат топшириш учун мадраса дипломи зарур бўлади.

Оффлайн ҳужжат топширинг

Абитуриентлар Тошкент ислом институтига келиб, Қабул ҳайъатига ҳужжатларни топширадилар.

Имтиҳон топшириш

Кириш имтиҳонлари барча фанлар бўйича тест шаклида ўтказилиб, синовлар Ўзбекистон мусулмонлари идораси томонидан олинади.

Модуль таълими учун

Қабул ҳайъатига ҳужжат топшириш тартиби

Ҳужжат топшириш учун

Абитуриент Ўзбекистон мусулмонлари идораси тасарруфидаги ўрта махсус ислом таълим муассасаларини тамомлаган, 4 йил ва ундан ортиқ муддат давомида Ўзбекистон мусулмонлари идораси тизимидаги масжидларда фаолият олиб бораётган имом-хатиб ва имом ноиблари бўлиши керак.

Оффлайн ҳужжат топширинг

Абитуриентлар Тошкент ислом институтига келиб, Қабул ҳайъатига ҳужжатларни топширадилар.

Имтиҳон топшириш

Кундузги таълим бўйича

Тошкент ислом институтига кимлар ҳужжат топшира олади?

Абитуриент ўрта махсус ислом таълим муассасаси – мадрасаларнинг бирини тамомлаган бўлиши керак. Ҳужжат топшириш учун мадраса дипломи бўлиши шарт.

Зарур ҳужжатлар:

Ректор номига ариза
паспорт ёки ID карта (доимий яшаш жойи бўйича рўйхатга олинганлиги тўғрисида қайд варағи билан) нусхаси (асли кўрсатилади)
ўрта махсус ислом таълим муассасаси (мадраса)ни тамомлагани тўғрисидаги ҳужжат (диплом, баҳолар иловаси билан) асл нусхаси
3,5 х 4,5 ҳажмдаги 6 дона рангли фотосурат (сўнгги уч ойда олинган ва орқа фони оқ рангда)
танлов иштирокчилари учун: ЎМИ томонидан ўтказилган “Ягона олимпиада” танлови дипломи (танловда 1, 2 ва 3-ўринни эгаллаган иштирокчилар учун)
ҳужжатларни жойлаштириш учун қоғозли ва елимли файл

Қабул янгиликлари

Модуль таълими бўйича

Тошкент ислом институтига кимлар ҳужжат топшира олади?

Модуль таълимига Ўзбекистон мусулмонлари идораси тасарруфидаги ўрта махсус ислом таълим муассасаларини тамомлаган, 4 йил ва ундан ортиқ муддат давомида Ўзбекистон мусулмонлари идораси тизимидаги масжидларда фаолият олиб бораётган имом-хатиб ва имом ноиблари танлов асосида ўқишга қабул қилинади.

Зарур ҳужжатлар:

Ректор номига ариза
паспорт ёки ID карта (доимий яшаш жойи бўйича рўйхатга олинганлиги тўғрисида қайд варағи билан) нусхаси (асли кўрсатилади)
ўрта махсус ислом таълим муассасаси (мадраса)ни тамомлагани тўғрисидаги ҳужжат (диплом, баҳолар иловаси билан) асл нусхаси
3,5 х 4,5 ҳажмдаги 6 дона рангли фотосурат (электрон шаклда, сўнгги уч ойда олинган ва орқа фони оқ рангда бўлиши талаб этилади)
яшаш жойи буйича Ўзбекистон мусулмонлари идорасининг Қорақалпоғистон Республикаси қозиёти, вилоятлар ва Тошкент шаҳар вакиллигидан тавсиянома
меҳнат дафтарчаси тасдиқланган нусхаси
ҳужжатларни жойлаштириш учун қоғозли ва елимли файл

Қабул янгиликлари

Қабул қачон бўлиб ўтади?

Таълим шакли	Бошланиши	Якунланиши
Кундузги таълим	20 июнь	20 июль
Модуль таълим	10 июль	30 июль

Қайси фанлардан кириш имтиҳонлар ўтказилади?

Кундузги таълим
Имтиҳон фанлари	Тест синови
Араб тили	30 х 3,1 – 93 балл
Ақоид-фиқҳ	30 х 2,1 – 63 балл
Ўзбекистон тарихи	30 х 1,1 – 33 балл

Модуль таълим
Имтиҳон фанлари	Тест синови
Ихтисослик фанлари мажмуаси: Қуръони карим ва тажвид, ҳадис, фиқҳ, ақоид	35 х 2,1 = 73,5
Ижтимоий-гуманитар фанлар мажмуаси: Ўзбекистон тарихи, Маънавият асослари, Миллий ғоя	25 х 1,1 = 27,5

Қабул ҳайъатининг манзили қаерда?

Тошкент ислом институтининг асосий биносида:

100002, Ўзбекистон Республикаси, Тошкент шаҳар, Олмазор тумани, Зарқайнар 18-берк кўча, 47-уй.

+998-71-240-03-58| +998-77-250-03-58 | @oliymahad | www.oliymahad.uz | islom-instituti@umail.uz