Bu voqea yaqinda metroda sodir boʻlganedi…
Tiqilinch, dim havo, shovqin… Kunlik odatiy holga aylangan. Yoshlar ham, yoshikattalar ham tiqilinch orasidan qoʻllaridagi kichik telefon uchun albatta joy topadilar. Kim Instagramdagi qisqa videolardan, kim rango-rang oʻyinlardan boshini koʻtarmaydi. Atrof bilan hech kimning ishi yoʻq, hamma kichik qurilma ichiga shoʻngʻib ketgandek. Hatto, tushar bekatlarni bilmas daraja behush yoki mudragan odamdek…
Bu safargi hodisa “behushlar”ni uygʻotib qoʻydi. Tutgichlarni arang ushlab kelayotgan qizning ranglari oʻzgardi. Oyoq-qoʻllari qaltirayboshladi. Soʻz aytishga ulgurmay, xushini yoʻqotdi. Avvaliga telefon ichidagi behush odamlar buni sezmay ham qolishdi. “Qiy-chuv” boshlangach, hamma qurilmasini oʻchirib, bir-bir boʻy choʻzib: “Kim? Nima boʻpti?” deya qiziqa boshlashdi. Ungacha oʻsmir qiz oyoqlar ostiga choʻzilib ulgurdi. Xayriyat, bu holat navbatdagi bekatda, eshiklarni ochilishiga yaqin yuz berdi. Metro xodimlari tezlik bilan vagonga kirib uni tikka qilishga urinar, qiz oʻziga kelmas edi. Barzangi yigitlardan biri oʻsmir qizni dast koʻtardi–yu, tashqariga olib chiqib ketdi… eshik yopildi. Koʻzlar oniy lahzada yuz bergan bu tushunarsiz holatdan qotib, qizni kuzatgancha keyingi bekat sari yurib ketdi… Hech kim qizoʻlikmi, tirikmi, aslida nima boʻlgan, nega hushidan ketganini bilmas edi… Vagonga ancha muddat jimlik choʻkdi. Hamma oʻzicha nimanidir oʻylab, sukutga choʻmdi. Bu jimlik uzoqqa bormay, yana oʻsha-oʻsha holat – telefonlar ochilib gurung boshlandi. Quvnoqqoʻshiqlar, otishmali oʻyinlar jaranglay ketdi.
Qiziq, aslida kim xush, kim behush ekan?! Telefon ichidagi “behushlar” Allohning oldidaojizligi, koʻz ochib yumguncha boʻlgan muddatda nimalar sodir boʻlishini anglamagan, kerakli saboq chiqarmaganlar shekilli…
TII “Hadis va Islom tarixi”
oʻqituvchisi N.Saidakbarova
