Жорий йилнинг 25 август куни Имом Бухорий номидаги Тошкент ислом институтида 2019-2020 ўқув йили якунига бағишланган “Сен – қудрат манбаи, саодат маскани, жонажон Ўзбекистоним!” шиори остида ZOOM иловаси орқали онлайн маънавий-маърифий тадбир ўтказилди.
Тадбирни институт ректори У.Ғафуров олиб борди. Ректор барчани кириб келаётган мустақиллигимизнинг 29 йиллиги билан самимий табриклади. ТИИ ректори ортда қолган 2019-2020 ўқув йили тўғрисида гапирар экан, эришилган ютуқларни эътироф этиб, йўл қўйилган камчиликлар ҳам кузатилгани таъкидлади.
Маълумки, 2020 йилнинг 16 март кунидан юртимизга кириб келган “COVID-19” пандемияси туфайли Тошкент ислом институтида ҳам онлайн ўқитиш тизимига ўтилди. У.Ғафуров масофавий таълим жараёнларида фаол қатнашган профессор-ўқитувчи ва ишчи ҳодимларнинг меҳнати ҳақида алоҳида тўхталди.
Тадбирда 2019-2020 ўқув йили давомида ўқув, илмий, маънавий-тарбиявий ва ташкилий ишлар сифати ва самарадорлигини ошириш ҳамда институт фаолиятини янада такомиллаштиришда қўшган ҳиссаси учун бир қатор профессор-ўқитувчилар ва ишчи ходимлар номинациялар бўйича фахрий ёрлиқлар билан тақдирландилар.
Шунингдек, қуйидаги ўқитувчи ва ходимлар ҳам қатор номинациялар бўйича тақдирландилар:
| № | Фамилия, исми, шарифи | Номинациянинг номланиши |
| 1. | Сувонов Фазлиддин | Энг интизомли ўқитувчи |
| 2. | Абдуллаев Абдурасул | Энг кўп хорижий илмий мақолалар муаллифи |
| 3. | Жўраев Фарход | Энг кўп илмий мақола ва тезислар муаллифи |
| 4. | Рўзиев Жахонгир | Ўқув қўлланма нашр этишда энг фаол ўқитувчи |
| 5. | Пардаев Абудқодир | Институт сайтида энг кўп мақолалар муаллифи |
| 6. | Муҳаммадумаров Сирожиддин | Жамоат ишларида энг фаол ходим |
| 7. | Даминов Эргаш | Китоб нашри ва рисола ёзишда энг фаол ўқитувчи |
| 8. | Лутфуллаев Шамсиддин | Масофавий таълим бўйича энг фаол ўқитувчи |
| 9. | Эркаев Маъмуржон | Энг фаол китобхон ходим |
| 10. | Ғафуров Уйғун | Телевидениедаги кўрсатувларда энг фаол иштирок этган ўқитувчи |
| 11. | Арипов Сотволди | Йилнинг энг фаол куратори |
| 12. | Сагдиев Аҳмад | Энг фидоий ходим |
| 13. | Жабборов Нурбой | Йилнинг энг яхши маънавий-маърифий тадбирлар ташкилотчиси |
Тадбир якунида янги 2020-2021 ўқув йилини кўтаринки кайфиятда бошлаш ҳамда таълим жараёнларини ташкил этишда барча зарур чора-тадбирларни амалга ошириш тўғрисида келишиб олинди.
Тошкент ислом институти матбуот хизмати
