Қуръоншунослик, Ҳадисшунослик, Фиқҳ каби ихтисосликлар бўйича 2021-йил учун қабул квоталари тасдиқланди

Ўзбекистон Республикаси Инноватсион ривожланиш вазирлиги томонидан Вазирлар Маҳкамасининг 2020-йил 6-ноябрдаги “Илмий даражали кадрларни тайёрлаш жараёнларининг шаффофлигини таъминлаш ва самарадорлигини ошириш чора-тадбирлари тўғрисида”ги 696-сонли қарорига асосан Ўзбекистон халқаро ислом академиясида стажор тадқиқотчилик институтида давлат бюджети маблағлари ҳисобидан ўқитиш учун 2021-йил қабул квоталари тасдиқланди.

Қабул квоталари Академияда фаолияти йўлга қўйилган ихтисосликлар бўйича қуйидагича тақсимланди:

№	Ихтисослик шифри ва номи	2021-йил учун ажратилган квоталар сони
1.	07.00.04 – Диншунослик	1
2.	19.00.07 – Дин сотсиопсихологияси	1
3.	24.00.01 – Ислом тарихи ва манбашунослиги	1
4.	24.00.02 – Қуръоншунослик. Ҳадисшунослик	1
5.	24.00.03 – Фиқҳ, калом илми. Илоҳиёт	1

Талабгорлар қуйидаги ҳужжатларни тақдим этишлари лозим:

— ариза;
— қисқача биографик маълумотнома (обективка);
— паспорт нусхаси;
— меҳнат дафтарчасининг белгиланган тартибда тасдиқланган нусхаси;
— олий таълим муассасаси магистратураси дипломи;
— нашр этилган илмий ишлар рўйхати, шунингдек, уларнинг нусхалари;
— Ўзбекистон Республикаси Президенти Давлат стипендияси соҳиблари тегишли ҳужжат нусхаси;
— Таҳминий диссертация мавзуси ва асосномаси.

Талабгорлар ҳужжатларни phd.mininnovation.uz сайти орқали электрон шакл (пдф формат) да юборишлари лозим.

Ҳужжатлар 2020-йил 6-декабргача қабул қилинади.

Манзил: Тошкент шаҳри, Шайхонтоҳур тумани, Абдулла Қодирий кўчаси, 11-уй.

Мурожаат учун телефон: (97) 343-44-52. Факс (71) 244-00-65.