Қиёмат куни икки кишига Аллоҳ таоло раҳмат назари билан қарамайди. Улардан бири қариндош-уруғидан узилиб кетган киши бўлса, иккинчиси эса ёмон қўшнидир. Бу ҳақда Анас разийаллоҳу анҳудан ривоят қилинади:
عن أنس قال: قال رسول الله ﷺ :«اثنان لا ينظر الله إليهما يوم القيامة: قاطع الرحم، وجار
“Иснани лаа йанзуруллоҳу илайҳимаа йавмал-қиёмати қотиъур-роҳим ва жаарис-суьи” . Таржимаси: Пайғамбар саллаллоҳу алайҳи васаллам шундай дедилар: Аллоҳ таоло қиёмат куни икки кишига раҳмат назари билан қарамайди. Улардан бири қариндош-уруғидан узилган киши бўлса, иккинчиси эса ёмон қўшнидир”.
Бир кишига Аллоҳ таоло назар қилса, у мағфират топади ва унинг оқибати хайрли бўлади. Аллоҳ таоло назар солмаган кишининг аҳволи яхши бўлмайди. Аллоҳ таоло бу ҳолатдан Ўзи паноҳ берсин.
Аллоҳ таоло назаридан умидвор бўлган киши силаи-раҳим қилиши ва қўни-қўшнилар билан яхши қўшничилик қилишлари лозим бўлади.
Аллоҳ таоло барчамизни Ўзининг раҳматига сазавор айласин!
Руҳиддин АКБАРОВ,
ЎМИнинг Қашқадарё вилоят вакиллиги ходими
