islom-instituti@umail.uz         71-227-42-37
Aprel 23, 2018

Day

Олий маъҳадга Миср уламолари Тоҳа Дассуқий Ҳубайший ва Шайх Жамалуддин Ҳашим ташриф буюрди

2018 йил 23 апрель куни Тошкент ислом институтига Миср араб Республикасидан “Ал-Азҳар” университети Ақийда ва фалсафа кафедраси мудири устоз аллома Тоҳа Дассуқий Ҳубайший ва Миср диёридаги энг кўзга кўринган Ҳанафий мазҳаби олими Шайх Жамалуддин Ҳашим ташриф буюрдилар. Уларга Ҳусайн Абдулмажид ҳамроҳлик қилди. Меҳмонларни Ўқув ва илмий  ишлар бўйича проректор У.Ходжаев кутиб олди. Тошкент ислом институти ўқитувчиси Алишер Султонхўжаев меҳмонларга институт ҳақида қисқача маълумот бериб ўтдилар. Ўз навбатида, Доктор Тоҳо Дасуқий Ҳубайший ташрифидан мақсадни баён қилар экан, жумладан Имом Бухорий, Термизий, Имом Мотуридий каби буюк алломаларнинг юрти, хусусан Бухоро шаҳрида бўлгани, айниқса Имом Бухорийнинг мақбарасини зиёрат қилганидан беҳад хурсанд эканини айтиб ўтди. Шунингдек, талабаларга Бухорийнинг авлодлари эканларини зинҳор унитмасликни, у зот билан бир замин фарзанди бўлишнинг ўз қиёматгача фахр ва ифтихор учун етарли эканини тўлқинланиб гапирди ҳамда муносиб меросхўр бўлиш учун эътибор қаратиш лозим бўлган жиҳатларни батафсил баён қилди. Суҳбат асносида талабалар фиқҳ, ақоид фанларидан ўзларини қизиқтирган саволларига муҳтарам устозлар Тоҳа Дассуқий ва Шайх Жамалуддин Ҳашим тарафидан қониқарли жавобларни олдилар. Ўқув-услубий бўлим бошлиғи Ё.Бухарбаев 341

Олий маъҳад талабалари мусобақада иштирок этдилар: натижалар эртага маълум бўлади

Хабарингиз бор, 21 апрелдан буён Тошкент шаҳар Талабалар шаҳарчасидаги “Ёшлар Иттифоқи маркази”да “Ўзбекистон Қуръон мусобақаси-2018”нинг Республика босқичи  бўлиб ўтмоқда. Бугун, мусобақанинг 3-кунида институтимиз талабалари Йўлдошбой Нуриддинов, Муҳаммадҳожимирзо Сайдалиев, Ҳамидуллоҳ Нажмиддинов ва Муҳаммадюсуф Абдураҳмонов чиқиш қилдилар. Шунингдек, бугун барча йўналишлардаги иштирокчилар мусобақада қатнашиб бўлдилар. Эртага 24 апрель куни йигитлар ўртасидаги ушбу мусобақа натижалари эълон қилинади. 159
1 2