Тошкент ислом институтида 2019-2020 ўқув йилидан бошлаб, ўрта махсус маълумотга эга имом-хатибларни олий маълумотли кадрлар қилиб тайёрлаш мақсадида Модуль таълим тизими жорий қилинди.Модуль таълим тизимида Ўзбекистон мусулмонлари идораси тасарруфидаги ўрта махсус ислом таълим муассасалари, яъни мадрасаларни тамомлаган, 5 йил ва ундан ортиқ муддат давомида масжидларда фаолият олиб бораётган имом-хатиблар танлов асосида ўқишга қабул қилинади.
Тошкент ислом институти Модуль таълим тизимига 2020-2021 ўқув йили учун абитуриентлардан ҳужжатларни қабул қилиш карантин тартибларидан келиб чиққан ҳолда портал орқали масофавий тарзда 2020 йил 15 июлдан 30 июлгача амалга оширилади.
Абитуриентларнинг хужжатлари “Тошкент ислом институти Модуль таълим тизимига ўқишга қабул қилиш тартиби тўғрисида”ги Низомга кўра, онлайн ариза тўлдирилиб, унга қуйидаги ҳужжатларнинг расми бириктирилади:
- ўрта махсус ислом билим юртини тугатганлиги ҳақида ҳужжат-диплом;
- паспорт;
- 3х4 см ҳажмдаги фотосурат;
- яшаш жойи буйича Ўзбекистон мусулмонлари идорасининг Қорақалпоғистон Республикаси қозиёти, вилоятлар ва Тошкент шаҳар вакилидан тавсиянома;
- меҳнат дафтарчаси.
Модуль таълим тизимига абитуриентлар номзодларини Ўзбекистон мусулмонлари идорасининг Қорақалпоғистон Республикаси қозиёти ва вилоятлар вакиллари тавсия этади.
Талабалар Модуль тизимида тўлов-контракт асосида 3 йил таълим оладилар, хорижий фуқаролар ўқишга қабул қилинмайди.
Xujjat qanday topshirladi manzil bormi shuni bilmoqchiman
Сиз имом-хатиб бўлиб ишлаяпсизми, мадрасани битириб, масжидда 5 ва ундан кўп йил ишлаган бўлишингиз керак. Агар ишлаётган бўлсангиз, вилоят вакиллиги қандай ҳужжат топшириш тўғрисида маълумот беради.
Assalomu alaykum! Men imom xatibman. Barcha hujjatlar tayyor. Sizlarga qanday taqdim qilaman.
Вилоят вакиллиги билан гаплашинг
Assalomu alekum 5yildan buyon noib imom vaizfasida ishleman biz ham topishirsak bo’ladimi yoki faqat xatiblarmi