Владимир Путин ва Режеб Тоййиб Эрдўғон телефон орқали мулоқот қилди.
Телефон орқали суҳбат чоғида Россия Президенти Владимир Путин Туркия президенти Тоййиб Эрдўғонни ва турк халқини яқинлашиб келаётган Қурбон ҳайити билан табриклади, деб хабар беради Кремл матбуот хизмати.
Томонлар Туркия-Россия муносабатларини мустаҳкамлаш йўлидаги қадамларни муҳокама қилишди.
Давлат раҳбарлари Озарбайжон ва Арманистон чегарасидаги зиддиятларнинг кучайиши ҳақида ҳам фикр алмашдилар. Шунингдек, суҳбат чоғида Ливия ва Суриядаги вазият муҳокама қилинди.
