Бир неча йиллардан буён аждодларимиз меросини ўрганиш, миллий-диний қадриятларимизни тиклаш, динлараро бағрикенглик ва ҳамкорлик ғояларини оммалаштириш, халқимиз, айниқса, ўсиб келаётган ёш авлод онгида ёт ғояларга қарши мустаҳкам иммунитетни шакллантириш бўйича амалга оширилаётган ишларни оммавий ахборот воситаларида кенг ёритиш, ушбу йўналишда фаол меҳнат қилаётган ижодкорларни муносиб рағбатлантириш ва тақдирлаш мақсадида “Сарҳисоб” танлови ўтказилиб келинади.
Танлов икки босқичда ўтказилди. Дастлаб ҳудудий босқич ғолиблари аниқланди. Вилоят миқёсида ғолибликни қўлга киритганлар республика босқичида иштирок этиш имкониятига эга бўлдилар. Республика босқичига ўтган иштирокчиларнинг ижодлари махсус ҳайъат томонидан кўриб чиқилди.
Танлов бешта йўналиш бўйича ташкил этилди – “Йилнинг энг фаол тарғиботчиси”, “Телевидение”, “Радио”, “Даврий матбуот” ва “Интернет”. Шунингдек, танлов натижасида йил давомида фаоллиги билан алоҳида ажралиб турган энг яхши ижодий иш бўйича ягона ўринли – “Жаҳолатга қарши – маърифат” мавзусидаги энг яхши ижодий иш йўналиш ҳам ўрин олди. Ушбу номинациялар бўйича республикамизнинг турли вилоятидан фаол ижодкорлар иштирок этишди.
Аммо 2020 йилги коронавирус пандемияси сабабли танлов ғолибларини тақдирлаш бироз муддатга сурилди. Қолаверса, коронавирус пандемияси давом этаётгани учун онлайн тартибда ўтказилди.
Ҳайъат аъзолари томонидан қуйидаги иштирокчилар танлов ғолиби деб топилди:
Энг яхши ижодий иш бўйича бош мукофот – Тошкент шаҳар бош имом-хатиби Холиқназаров Нуриддинга насиб этди.
Телевидение йўналиши
1-ўрин: Тўлқин Шамсиев, “Маданий-маърифий ва бадиий дам олиш дастурлар” муҳарририяти режиссиёри (“Ҳидоят сари” кўрсатуви);
2-ўрин: Баҳадир Абдираманов, Қорақалпоғистон Республикаси Нукус шаҳридаги “Муҳаммад ал-Беруний” ўрта махсус ислом билим юрти ўқитувчиси;
3-ўрин: Мирзамақсуд Алимов, Андижон вилояти бош имом-хатиби.
Радио йўналиши
1-ўрин: Исҳоқ Арабов, “Зиё чашмаси”, “Маърифат зиёси”, “Имом Бухорий ўгитлари” дастурлари муҳаррири.
2-ўрин: Баҳромжон Турсунов, Фарғона шаҳар “Жўйдам” масжиди имом ноиби.
3-ўрин: Муҳаммади Қораев, Ўзбекистон мусулмонлари идорасининг Қашқадарё вилоятидаги вакили ўринбосари, Қарши шаҳар “Қумқишлоқ” жоме масжиди имом-хатиби.
Даврий матбуот йўналиши
1-ўрин: Азизбек Холназаров, “Шамсуддинхон Бобохонов НМИУ” муҳаррири.
2-ўрин: Салимжон Шокиров, Андижон шаҳри “Хонақо” жоме масжиди имом-хатиби.
3-ўрин: Қурбонали Пирматов, Фарғона шаҳри Бешариқ тумани “Узун” жоме масжиди имом-хатиби.
Интернет йўналиши
1-ўрин: Раҳматуллоҳ Жалилов, Фарғона вилояти Марғилон шаҳар “Саҳоба Зайд ибн Ҳориса” жоме масжиди имом-хатиби, fargonaziyo.uz сайти муҳаррири.
2-ўрин: Руҳиддин Акбаров, Ўзбекистон мусулмонлари идораси Қашқадарё вилояти вакиллиги ходими.
3-ўрин: Муҳаммад Юсуф Тўрақулов, Андижон Олтинкўл тумани бош имом-хатиби.
Энг фаол тарғиботчи йўналиши
1-ўрин: Жалолиддин Ҳамроқулов, Имом Бухорий номидаги Тошкент ислом институти катта ўқитувчиси, Тошкент шаҳри “Новза” жоме масжиди имом-хатиби
2-ўрин: Жасур Раупов, Тошкент вилояти бош имом-хатиби.
3-ўрин: Саттаров Хайрулло, Самарқанд вилояти бош имом-хатиби ўринбосари.
Танлов ғолибларига, танлов мезонига кўра, 3-ўринга – мини печь, 2-ўринга – блендер, 1-ўринга – чангютгич, Олий мукофотга эса замонавий (Smart) телевизори топширилади.
Ғолиб ва совриндорларга мукофотлар муборак бўлсин! Тошкент ислом институти жамоаси Ҳадис ва ислом тарихи фанлари кафедраси катта ўқитувчиси Жалолиддин Ҳамроқуловни “Энг фаол тарғиботчи” йўналиши бўйича 1-ўринни қўлга киритгани учун муборакбод этади.
ТИИ Матбуот хизмати
