Ҳурматли мухлис! Энди Сизда муслим.уз сайтининг бевосита мухбири бўлиш имконияти пайдо бўлди.
Сиз диний-маърифий йўналишдаги бирор воқеликнинг гувоҳига айландингизми? Бу ажойиб нутқ, маъруза, янгилик, хабар ёки видео ва фото шаклдаги маҳсулот бўлиши мумкин. Уни тезда тасвирга олиб, фото, аудио ёки матнли кўринишда телеграмдаги “@MuslimMobileReportyorBot” ига йўлланг ва “Muslim.uz” порталининг ишончли манба етказувчи репортёрига айланинг.
Унутманг, Сиз юборган хабар, мақола ва аудиоматндан ўн минглаб инсонлар манфаат топишлари мумкин.
Материалга қўйиладиган талаблар:
— “@MuslimMobileReportyorBot”ига хабарни (матн, фото, видео, аудио) юкланг;
— фото, видео ва аудио материалларни янада аниқлаштириш учун қисқача матн киритинг;
— материалингиз сайтимиз модераторлари томонидан саралангач, оммага зудлик билан тақдим этилади.
Сизнинг қобилиятингизни янада ошириш мақсадида модераторларимиз қўшимча вазифалар ҳам бериб боришлари мумкин. Бу маълум маскандаги китоб дўконини тасвирга олиш, таниқли шеър ёки ҳикояни овозли шаклда юбориш ва ҳоказо бўлиши мумкин.
Репортёрга қўйиладиган талаблар:
1. 16 ёшдан катта ҳамда фуқаролик паспортига эга бўлиш.
2. Матн, фото, аудио ва видео материалларда муаллифлик ҳуқуқлари бузилмаслиги талаб этилади.
3. Материаллар ўзбек ва рус тилларининг бирида бўлиши ҳамда номақбул сўзлардан фойдаланилмаслиги.
4. Сиёсий мавзулардан йироқ материаллар бўлиши талаб этилади.
5. Репортёрлар томонидан тақдим этилаётган материаллар Ўзбекистон Республикаси қонунларига зид келмаслиги лозим.
Эслатма: Бошқа шахсга тегишли материалларни муаллифлик ҳуқуқларини бузган ҳолда ўз номидан тақдим этиш таъқиқланади. Бундай материаллар жойлаштирилмайди.
ЎМИ Матбуот хизмати
