islom-instituti@umail.uz         71-227-42-37

Ислом академиясига Диний-маърифий фаолиятни мувофиқлаштириш бўйича биринчи проректор тайинланди

Ўзбекистон халқаро ислом академияси мажлислар залида Академия раҳбарияти ва жамоаси, диний-маърифий соҳа вакиллари, илмий-тадқиқот марказлари ва таълим муассасалари раҳбар ҳамда ходимлари иштирокида йиғилиш бўлиб ўтди.

Тадбирда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раисининг биринчи ўринбосари, Ўзбекистон халқаро ислом академияси ректори Музаффар Комилов, Ўзбекистон Республикаси Президенти Администратсияси масъул ходими Жасур Нажмиддинов қатнашди.

Мажлисда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раисининг 2021-йил 11-декабрдаги 214-К-сонли буйруғига мувофиқ, Махсудов Давронбек Рустамович Ўзбекистон халқаро ислом академиясининг Диний-маърифий фаолиятни мувофиқлаштириш бўйича биринчи проректор лавозимига 2021-йил 11-декабрдан тайинланганлиги ўқиб эшиттирилди.

Шундан сўнг Ўзбекистон Республикаси Президентининг жамоат ва диний ташкилотлар билан ҳамкорлик масалалари бўйича маслаҳатчиси, Ўзбекистондаги Ислом сивилизатсияси маркази директори Шоазим Миноваровнинг Академия жамоаси ҳамда тайинлов соҳибига йўллаган табриги етказилди.

Тадбирда Имом Мотуридий халқаро илмий-тадқиқот маркази Таржималар бўлими бошлиғи Абдулҳодий Юсупов, Академиянинг Илмий ишлар ва инновациялар бўйича проректори Зоҳиджон Исломов, Ўқув ишлари бўйича проректор Иброҳим Усмонов, Малака ошириш маркази директори Ҳусниддин Аҳмедов, “Исломшунослик ва ислом сивилизатсиясини ўрганиш ИCЕСCО” кафедраси мудири Миродил Ҳайдаровлар сўзга чиқиб, Давронбек Махсудовни Диний-маърифий фаолиятни мувофиқлаштириш бўйича биринчи проректор лавозимига тайинлангани билан табриклашди. Давронбек Махсудов мазкур лавозимга ўзининг юксак билим ва масъулияти билан ёндашиб, сидқидилдан бажаришига ишонч билдиришди.

Бугунги кунга қадар Давронбек Махсудов Ўзбекистон халқаро ислом академияси ҳузуридаги Имом Мотуридий халқаро илмий-тадқиқот маркази директори лавозимида ишлаб келаётган эди. Ўзининг меҳнат фаолиятида кўплаб самарали натижаларга эришган Д.Махсудов 1999-2003-йилларда Тошкент ислом университети (Ўзбекистон халқаро ислом академияси)ни тамомлаган. Турли йилларда қатор давлат ва жамоат ташкилотларида самарали меҳнат қилган. Жумладан, Ўзбекистон Республикаси Президенти Девони ташкилий-кадрлар хизмати Миллатлараро муносабатлар масалалари ва дин ишлари бўйича сектори 2-тоифали иш юритувчиси, Тошкент ислом университети (Ўзбекистон халқаро ислом академияси) илмий котиби, Магистратура бўлими бошлиғи, кафедра мудири лавозимларида фаолият юритган.

264880cookie-checkИслом академиясига Диний-маърифий фаолиятни мувофиқлаштириш бўйича биринчи проректор тайинланди

Сиз нима дейсиз, фикр билдиринг: