Тошкент ислом институти 1-курс талабалари Убайдуллоҳ қори Ҳабибуллаев ва Баҳодир қори Иброҳимов 30 пора Қуръони каримни бир кунда, бир ўтиришда ёддан ўқиб берди.
Шунингдек, 3-курс талабаси Муҳаммад Амин Абдупаттаев Ан-Нуқоя- النقاية китоби матнини ёддан ўқиб топширди.
Қуръони каримни ўқиш жараёнини Таҳфизул Қуръон кафедраси ўқитувчилари Жаҳонгир қори Неъматов, Аҳмадхон қори Рашидов, Зафар қори Маҳмудов, Исломхон қори Убайдуллаев, Жаҳонгир қори Рўзиев, Адҳам қори Юсупов, Содиқжон қори Қурбонов, Элёр қори Аҳматқулов ва бошқа устоз ҳамда талабалар кузатиб бордилар.
Хатм якунида Таҳфизул Қуръон кафедраси мудири Жаҳонгир қори Неъматов Олий Маъҳадда анъанага айланаётган ушбу тадбирнинг аҳамияти тўғрисида маълумот берди.
Убайдуллоҳ қори ва Баҳодир қори ҳамда уларнинг устозларига ТИИ ректори Уйғун домла Ғафуров ташаккурлар билдириб, мана шундай етук қориларни етиштириб чиқаришда ғайрат ва шижоат тилади.
ТИИ ректори Уйғун домла Ғафуров, проректор Умиджон домла Ходжаев, Ўқув-услубий бўлим бошлиғи Шоғиёс домла Шожалилов, кафедра мудирлари Соатмурод домла Примов, Обиджон домла Тангиров, Тафҳизул Қуръон кафедраси мудири Жаҳонгир қори Неъматов, ўқитувчилар Муҳаммадрасул домла Абдуллаев, Яҳё домла Раззақов, Жаҳонгир қори Рўзиев, Элёр қори Аҳматқулов, Абдулҳаким домла Олимов ва барча иштирокчилар биргаликда Қуръони карим хатми дуоси баробарида қори устозлар ҳамда Убайдуллоҳ қори ва Баҳодир қори ҳақига дуолар қилдилар, Аллоҳдан юртимизга хайр-барака ва офият сўрадилар.
30 пора Қуръони каримни бир кунда, бир ўтиришда ёддан ўқиб берган 2 нафар қорининг ҳар бирига Уйғун домла Ғафуров ҳадя сифатида ноутбук топширди.
Шунингдек, юртимиз мадрасаларида “Мухтасарул виқоя” номи билан машҳур бўлган, кўп асрлардан буён ўқитилаётган, Убайдуллоҳ ибн Масъуд ибн Тажиш Шариъа ал-Бухорий раҳматуллоҳи алайҳнинг “Ан-Нуқоя” фиқҳий китоби матнини ёддан ўқиб берган Муҳаммадамин Абдуппатаев ноутбукни Умиджон домла Ходжаевдан қабул қилиб олди.
Таҳфизул Қуръон кафедраси қори устозларининг тинимсиз меҳнатлари эвазига Тошкент ислом институтида Қуръони каримни бир кунда тўлиқ ўқиб бериш анъанага айланмоқда. Айни пайтгача Қуръони каримни бир кунда ўқиб берган қори талабалар сони 25 нафарга етди.
Эслатиб ўтамиз, 2014 йилда Тошкент Ислом институти тарихида илк бор Ихтиёр қори Абдураҳманов Қуръони каримни бир кунда, бир ўтиришда тўлиқ ўқиб берган эди. Шунингдек, Илҳом қори Ғофуров, Адҳам қори Отахонов, Фатҳуллоҳ қори Дадаев, Аҳмадуллоҳ қори Ғофуржанов, Ҳикматуллоҳ қори Рўзалиев, Сардорбек қори Жиямуратов, Сирожиддин қори Шодмонов, Азимжон қори Мадаминжонов, Илёсбек қори Шарофиддинов, Нуриллоҳ қори Сайдуллаев, Оятуллоҳ қори Абдуқодиров, Абдуллоҳ қори Комилов, Саидбурхон қори Фазлиддинов, Абдулҳай қори Жўрақулов, Аҳлиддин қори Қурбонов ва Нурисломхўжа қори Умбаров Қуръони каримни ёддан тўлиқ ўқиб, устозлар кўригидан ўтказиб олган эди.
Шунингдек, аёл-қизлардан Робия Нажмиддинова, Гулруҳ Кенжабек қизи, Мираҳмадова Ҳуснора, Маҳаматханова Мухлиса, Қурбанова Хадича ва Абдуллаев Фотима ҳам Аллоҳнинг каломини юқоридаги услубда ўқиб берган эди.
Маълумот: Қуръони каримда 114 та сура, 6236 та оят ва тахминан 1015030 нуқта, белги, 323670 ҳарф ва 77934 та сўз бор. Қуръон саҳифаланишига кўра 30 пора (жуз, қисм)дан иборат бўлиб, мусҳафнинг ҳар 10 вароғи бир пора ҳисобланади.
Таҳфизул Қуръон кафедраси ўқитувчиси
Зафар қори Маҳмудов
