Аввал хабар берганимиздек бугун 15-май куни олий ва ўрта махсус ислом таълим муассасалари ўртасида “Баркамол авлод-2024” спорт мусобақаси бўлиб ўтади.
Айни дамда Мир Араб ўрта махсус ислом таълим муассасаси мезбонлигида бўлиб ўтадиган “Баркамол авлод – 2024” спорт мусобақасига старт берилди.
Анъанага биноан мусобақа Қуръон тиловати билан бошланди.
Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг “Баркамол авлод-2024” спорт мусобақаси иштирокчиларига йўллаган табригини Таълим ва илмий-тадқиқот бўлими мудири С.Шерхонов ўқиб эшиттирди.
Шундан сўнг, стол тенниси, шахмат, тош кўтариш ва кураш спорт турлари бўйича йигитлар ва қизлар ўртасидаги мусобақалар бошланди.
ТИИ Матбуот хизмати
