Ro‘za tutishning inson organizmiga, ruhiyatiga foydasi beqiyos. O‘z ixtiyori ila o‘ttiz kun davomida ko‘ngli tusagan narsalardan tiyila olgan odam shubhasiz sabr-bardoshga ega bo‘ladi. Salomatligiga ijobiy ta’sir ko‘rsatadi. Zamonaviy ilmiy tadqiqotlar buni tasdiqlayapdi. Shu bois ochlik yo‘li bilan davolash tibbiyotda keng qo‘llanilmoqda, davolashning bu turi dunyoda urf bo‘lmoqda. - Toshkent islom instituti talabasi Abdulbosit QODIROV
Имом Бухорий номидаги Тошкент ислом институтида “Март – Эътиқод мусаффолиги ойлиги” муносабати билан Диний ишлар бўйича қўмита Ахборот-таҳлил маркази ходими Нодир Шомирзайев ва Республика қайтариқ гуруҳи мутахассиси Турақулов Қаҳрамон иштирокида “Экстремистик ва террористик оқимларнинг шахс онгини бошқариш услублари” мавзусида илмий суҳбат бўлиб ўтди. Давра суҳбатида институт ўқитувчилари ва кундузги таълим шакли талабалари иштирок этди. Бугунги кунда дунё хавфсизлиги ва барқарорлигига таҳдид солаётган жиддий муаммолардан бири – экстремистик ва террористик оқимларнинг кенгайиб боришидир. Ушбу оқимлар ёшлар ва тажрибасиз инсонларни ўз сафига жалб қилиш учун турли тарғибот усулларидан фойдаланади. Уларнинг энг хавфли қуролларидан бири – шахс онгини бошқаришдир. Экстремистик гуруҳлар ўз ғояларини тарғиб қилишда диний, сиёсий ёки ижтимоий мафкураларни бузиб талқин қилиш орқали тарафдорларини ҳақли эканлигига ишонтиради. Улар: Ўз ғояларини динга боғлаш – мафкураларини диний манбаларга асосланган деб кўрсатади. Диний далилларнинг нотўғри талқини – Қуръон ва Ҳадисдаги оят ва ривоятларни ўз мақсадлари йўлида бузиб шарҳлайди. Жамиятни бўлиш – “тўғри йўлдагилар” ва “адашганлар” каби кескин фарқлаш орқали қарама-қаршиликни кучайтиради. ТИИ Ақоид ва фиқҳий фанлар кафедраси кабинет мудири М.Азизов 1 780
Ba'zi g'arbiy madaniyatlarda oilaviy qadriyatlarning zaiflashishi, nikohsiz yashashning keng tarqalishi va individualizmning kuchayishi kabi tendensiyalar kuzatilmoqda. Bu holatlar boshqa jamiyatlarga ham ta'sir ko'rsatib, oilaviy institutning zaiflashishiga olib kelmoqda. - Toshkent islom instituti talabasi Anvar XO'JAXONOV
2025 йил 24 март куни Имом Бухорий номидаги Тошкент ислом институтида “Қуръон илмлари” кафедраси доценти, Ўзбекистон халқаро ислом академияси «Диншунослик ва жаҳон динларини қиёсий ўрганиш ЮНEСКО» кафедраси докторанти А.Абдуллаевнинг “IX-XII асрларда ақлий тафсирларни гносеологик тамойилларининг методологик асослари” мавзусидаги докторлик диссертациянинг илмий семинари бўлиб ўтди. Илмий семинарда Имом Бухорий номидаги Тошкент ислом институти профессор-ўқитувчилари ва тадқиқотчилар иштирок этишди. Семинарни Илмий ишлар ва фан бўйича проректор С.Примов очиб берди ва диссертация иши юзасидан амалга оширилган тадқиқотлар ҳамда қилинган ишлар ҳақида маълумот бериш учун сўзни диссертантга берди. А.Абдуллаев сўзга чиқиб, диссертация ишининг мазмуни, бугунги кундаги тафсир илми ривожи нуқтайи назаридан аҳамияти ва долзарблиги, республика фан ва технологиялари ривожланишининг асосий устувор йўналишлари, шунингдек, хорижий илмий-тадқиқот ишлари билан боғлиқлиги, илмий янгилиги ҳамда илмий-амалий аҳамияти ҳақида тўлиқ маълумот берди. Илмий семинар сўнгида мавзу бўйича фикр-мулоҳазалар билдирилди. Семинар иштирокчилари томонидан мавзуга доир ўзларини қизиқтирган саволларга ҳам жавоблар берилди. ТИИ Матбуот хизмати 220
Ramazon oyi – butun musulmon olami uchun eng muqaddas va barakali davr bo‘lib, u faqatgina ochlik va chanqoqlik bilan cheklanib qolmaydi. Bu oy ruhiy poklanish, sabr-toqatni mustahkamlash, taqvoni oshirish va nafs ustidan nazorat o‘rnatish imkoniyatini beradi. Shuningdek, Ramazon sog‘liq uchun ham ko‘plab foydalar olib keladi. Ushbu oy davomida musulmonlar ibodat qilish, sadaqa berish, odob-axloqni yaxshilash va gunohlardan poklanish orqali Yaratganga yaqinlashadilar. - Toshkent islom instituti talabasi Abror ASLANKULOV
