islom-instituti@umail.uz | +998-71-227-42-37

Китоб – ҳаётни ўргатувчи мураббийдир

Бир дўстки, ҳеч кимга бермаган азоб,
Узоқ синаб кўрдим, билсанг, у китоб!
Сирни яширмайди ўқувчисидан,
Хабар берар сенга ёзувчисидан.
Хилватда сен билан бўлиб у улфат,
Жимгина қуради ёқимли суҳбат.
Ҳеч кимдан қолишмас билимли аҳбоб,
Ундан сўрамасанг, бермайди жавоб.

                         Муҳаммад Жабалрудий 

Кимки китобга кўп боқса, китоб унинг зеҳнини очади, завқини оширади, сўзга чечан қилади. Китоб ёлғизликдаги энг мунис ҳамдамдир. Китоб инсондан ҳеч нарса талаб қилмайди, аммо уни камолга етказади. Китоб одоб-ахлоқнинг кони, билимнинг эса булоғидир.

 Ўзбекистон мусулмонлари идораси тасарруфидаги Имом Бухорий номидаги Тошкент ислом институтида Президентимиз Шавкат Мирзиёевнинг “Китоб маҳсулотларини чоп этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғибот қилиш бўйича комиссия тузиш тўғрисида”ги фармойишларига биноан, таълим муассасаси устоз ва талабаларнинг дунёқарашини янада кенгайтириш, маънавий-маърифий, сиёсий-ижтимоий савияларини юксалтириш ҳамда юртимизда чоп этилаётган янги адабиётлар билан таништириб бориш мақсадида, 2018 йил 27 февраль куни ТИИ Ахборот-ресурс маркази ташаббуси билан “Ўзбекистон” нашриёт-матбаа ижодий уйи ҳамкорлигида китоб кўргазма савдоси ташкил этилди.

Ташкил этилган мазкур кўргазма совдода институт жамоаси иштирок этиб, уларга “Ўзбекистон” нашриёт-матбаа ижодий уйи ходимлари томонидан 210 номдаги 605 дона Президентимиз Шавкат Мирзиёевнинг “Буюк келажагимизни мард ва олижаноб халқимиз билан бирга қурамиз” деб номланган китоблари, мумтоз адабиёт намоёндалари, бадиий тўқималарга бой асарлар, саломатлик, табобат рукнларидаги адабиётлар, сиёсий, бадиий, диний-маърифий, илмий-адабий, ҳажвий, жаҳон ва болалар адабиёти дурдоналари, рус тилидаги оила психологияси, тарих, юридик китоблар, шеърий тўплам китоблар, оила ва болалар энциклопедиялари, “Ўзбекистон жаннатмакон юрт” номли фотоальбомлар ҳамда ибратли ҳикматлар тўпламлари намоиш этилди.

Институтда бу каби китоб кўргазмаларини ўтказиш китобхонларнинг вақти ҳамда нақдини тежаётгани ва албатта талабалар дуёнқараши ривожланишида катта хизмат қилаётганини эътироф этиш зарур. Шунингдек, китоб кўргазмалари юртимиздаги нашриётлар фаолияти ва уларда чоп этилаётган янги китоблар билан яқиндан танишишда муҳим аҳамият касб этади.

Ахборот-ресурс маркази мудири
Камолиддин Маҳкамов

27400cookie-checkКитоб – ҳаётни ўргатувчи мураббийдир
Дўстларга улашинг:

Мавзуга доир:

Сиз нима дейсиз, фикр билдиринг:

Диний-маърифий янгиликлардан хабардор бўлинг!