Бир қанча одамлар Имом Шофеъий раҳматуллоҳи алайҳнинг ҳузурига келиб, ундан Аллоҳ таолонинг борлиги ҳақида далил келтиришини сўради.
Имом Шофеъий: “Бунинг далили тут баргидир”, деб жавоб берди.
Одамлар жавобдан ҳайратланиб, батафсилроқ тушунтиришини сўрашди.
Имом Шофеъий шундай деди: “Тут барглари бир хил шакл ва таъмга эга, аммо
• ипак қурти уни еса, ипак олинади;
• нектарини асаларилар йиғса, асал олинади;
• кийик ундан истеъмол қилса, хушбўйлик, мушк чиқаради.
Биргина баргдан шунча турли нарсаларни чиқаришга қайси Зот қодир экан!?
Одамлар ўйланиб, жим бўлиб қолишганда, Имом Шофеъий: “Аллоҳ барча нарсани яратувчисидир”, оятини ўқиди (Раъад сураси, 16-оят).
Манба: Абдулазиз Рожиҳий, “Шарҳи Тафсири Ибн Касир”
ТИИ Ҳадис ва ислом тарихи фанлари кафедраси
катта ўқитувчиси Пўлатхон Каттаев
