Абитуриент-имомлар ихтисослик фанлар мажмуаси ва ижтимоий-гуманитар фанлар мажмуаси фанларидан тест синовидан ўтмоқдалар.

Бу йилги тест синовларида йигитлар бўйича энг юқори балл 176.3, энг паст балл 101.1 ва аёл-қизлар бўйича 160.6, энг паст балл 97.8ни ташкил қилди.

Тест синовлари учун 2 соату 20 минут вақт берилди. Бу йил Тошкент ислом институтига кириш учун 201 нафар йигитлар, 52 нафар қизлар, жами 253 та абитуриент ҳужжат топширди.

Бу йил пандемия сабабли қабул имтиҳонлари соддалаштирилиб, учта фандан иккита фанга ўтказилди, араб тили фанидан ижодий имтиҳонлар олиб ташланди.

Ўзбекистон мусулмонлари идораси тасарруфидаги олий ва ўрта махсус диний таълим муассасаларида ўқув жараёнлари тасдиқланган ўқув режалари асосида масофавий шаклда онлайн тарзда йўлга қўйилди.