Zahiriddin Muhammad Boburning lirik merosi — bu shunchaki she’riy to‘plam emas, balki buyuk bir hukmdorning musofirlikda chekkan ruhiy iztiroblari, vatan ishqida yongan qalbining chin dostonidir. Uning ijodida vatan sog‘inchi va g‘urbat mavzusi bir-biri bilan uzviy bog‘langan bo‘lib, bu tuyg‘ular shoir hayotining so‘nggi damigacha unga hamroh bo‘lgan. Zahiriddin Muhammad Bobur dunyo tarixida ham shohlik, ham shoirlik rutbasini birdek yuksak darajaga ko‘targan nodir shaxslardan biridir. Biroq uning taqdiri ziddiyatlarga boy: u Hindistonda ulkan saltanat barpo etdi, mislsiz boylikka ega bo‘ldi, ammo ko‘ngli hamisha ona yurti — Movarounnahr sori talpindi. Bobur ijodidagi vatan mavzusi uning shaxsiy fojeasi va ruhiy qiyofasining eng yorqin ko‘zgusidir. - Toshkent islom instituti talabasi Biloliddin IBROHIMJONOV
Zahiriddin Muhammad Bobur hayoti — bu nafaqat bir hukmdorning tarixi, balki inson irodasi, matonati va yuksak tafakkurining jonli dostonidir.1483-yilning 14-fevralida Andijon zaminida tug‘ilgan bu zotning hayot yo‘li Temuriylar saltanatining inqirozga yuz tutgan davriga to‘g‘ri keldi. - Toshkent islom instituti talabasi Biloliddin IBROHIMJONOV
O‘zbek xalqi tarixida shunday buyuk shaxslar borki, ularning nomi nafaqat bir xalq yoki bir hudud bilan, balki butun jahon sivilizatsiyasi bilan chambarchas bog‘liqdir. Ana shunday ulug‘ siymolardan biri — Zahiriddin Muhammad Boburdir. Bobur shaxsi o‘zida bir necha fazilatlarni mujassam etgan noyob tarixiy hodisadir: u zabardast sarkarda, dono davlat arbobi, nozik didli shoir, iste’dodli yozuvchi, tarixchi va geograf olim sifatida mashhurdir. Uning hayoti tinimsiz kurashlar, siyosiy to‘qnashuvlar, g‘alaba va mag‘lubiyatlar, hijrat va safarlardan iborat bo‘lsa-da, u har qanday vaziyatda ham ilm va ijodni tark etmagan. - Toshkent islom instituti talabasi Komiljon ABDUJALILIY
Taxallusi Bobur, to‘liq ismi sharifi Zahiriddin Muhammad ibn Umarshayx Mirzo (1483-yil 14-fevral Andijonda tavalllud topgan, 1530-yil 26-dekabrda Agra shahrida vafot etgan)- o‘zbek mumtoz adabiyotining yirik vakili, mashhur shoir, davlat arbobi, tarixchi, geograf, iste’dodli sarkarda, boburiylar sulolasi asoschisi va temuriy shahzoda. Boburning otasi-Umarshayx Mirzo Fargʻona viloyati hokimi, onasi-Qutlugʻ Nigorxonim Moʻgʻuliston xoni va Toshkent hokimi Yunusxonning qizi edi. Bobur ota tomondan Amir Temurning uchinchi oʻgʻli Mironshoh Mirzo naslidan boʻlsa, ona tomonidan Tugʻluq Temurxonning oʻgʻli Xizr Xo‘jaxon naslidan edi uning yettinchi avlodi edi. - "Tillar" kafedrasi katta o‘qituvchisi Faxriddin YERNAZAROV
Asl ismi Nizomiddin Mir Alisher. U Hirotda tugʻilib, shu yerda umrining asosiy qismini oʻtkazgan. Navoiyning otasi G‘iyosiddin Bahodir temuriylar xonadoniga yaqin boʻlgan. Sheʼr zavqi va isteʼdodi erta uygʻongan. Bolalikdayoq Farididdin Attorning „Mantiqut-tayr“ asarini yod olgan, Sharafiddin Ali Yazdiy nazariga tushgan, Mavlono Lutfiy yosh shoir isteʼdodiga yuqori baho bergan, Kamol Turbatiy eʼtirofini qozongan. - Toshkent islom instituti talabasi Sherzod OTBAYLAROV
