1. كلمة «يا ريت» ما تعمر بيت
Ҳолва деган билан оғиз чучимас.
Олма пиш оғзимга туш.
Қуруқ гап билан қорин тўймайди.
Ўйчи ўйини ўйлагунча, таваккалчи ишини битиради.
Гап билан ош пишмас.
Ариқ қазимасанг отингизга сув чиқмас.
Шап-шап деган билан, шафтоли оғизга тушмас.
Бўйнидан боғланган ит овга ярамас.
2. سيفان لا يجتمعان في غمد واحد
Икки қўчқорнинг калласи бир қозонда қайнамас.
Икки бош бир қозонда қайнамас.
3. اِبْطِي ولا تِخْطِي
Хотиржамлик Раҳмондан – шошқалоқлик шайтондан.
Пухтанинг иши беш, шошманинг иши бўш.
Шошган қиз эрга ёлчимас.
Шошмасанг тез етасан, шошгандан ўзиб кетасан.
Секинлаш! Лекин тўхтаб қолма!
Етти ўлчаб бир кес.
Кам-кам ўрганиб доно бўлур, қатра-қатра тўпланиб дарё бўлур.
4. أَنَا وْحَبِيبِي رَاضِي وِانْتَ مَالَكْ يَا قَاضِي
Бурнингни ҳар ерга суқма!
Кераксиз ишга бурнингни суқма!
Бировнинг ишига бурнингни суқма!
Мен рози, у рози – сенга не даркор, эй қози?!
5. اِلْبَابْ يِفَوِّتِ الْجَمَلْ
Ғиш қолипидан кўчди.
Меҳмоннинг олдида мушугига пишт дема.
Каловини топсанг қор ҳам ёнар.
Юрак-юракка дарак берар.
Ўрдак ўзига оро берса ҳам оққуш бўлолмас.
6. بِخَمْسَهْ قَهْوَةْ تِقْضِي الشَّهْوَهْ
Асл бойлик – қаноат.
Бир қошиқ ошим, ғалвасиз бошим.
Борига рози бўл, йўғига сабр қил.
Оч қорним, тинч қулоғим.
Сабрнинг таги сариқ олтин.
Қаноат қорин тўйдирар.
5 та арзимас мис тангага қорнингни тўйдира оласан.
7. اِلْبَرَكَهْ تَحْتِ الْفَلَكَهْ
Ҳаракатда – баракат.
Хатосиз мерган бўлмас.
Тажриба – билимни оширар.
Ўзга юртда шох бўлгунча, ўз юртингда гадо бўл.
8. الْبَرْمِيلِ الْفَارِغْ يِرِن
Бўш тегирмон гулдирар.
Ноғорани ичи пўк, овози баланд.
Бўш гап иш бермас.
Саёз дарё шовқин оқар, чуқур дарё сокин оқар.
Бўш қоп тик турмайди.
Сутсиз сигир кўп маърар.
Бўш идишнинг овози баланд чиқар.
Бўш калланинг овози ҳар ердан жаранглар.
Қуруқ сўз қулоққа ёқмас.
9. كَبِّبْ وِرَبِّنَا الْمِسَبِّبْ
Сендан ҳаракат – Мендан баракат.
Олдин туяни боғлаб, кейин таваккал қил.
Бир таваккал бузади минг қайғунинг қалъасин.
10. اِلْكِبَرْ عِبَرْ
Қариси бор уйнинг парийси бор.
Қари билганни пари билмас.
Ҳар кексадан бир нақл.
Кўп билганга эргашма – кўп кўрганга эргаш.
Талабалар: Анварова Моҳигул, Кадиркулова Рисолат, Комилова Малоҳат, Камолиддинова Ҳабиба, Ходжаева Муниса, Тўйчиева Мухтасар, Муҳаммадодилова Ислома.
«Тиллар» кафедраси ўқитувчиси
О.К.Маҳкамова
