Ўзбекистон Республикаси Президенти Ш.Мирзиёев “Буюк шоир ва олим, машҳур давлат арбоби Заҳириддин Муҳаммад Бобур таваллудининг 540 йиллигини кенг нишонлаш тўғрисида”ги Қарорини имзолаган эди.
Қарорга кўра, мамлакатимиздаги Заҳириддин Муҳаммад Бобур номи билан боғлиқ обида ва қадамжоларни, жумладан, ёдгорлик мажмуаларини таъмирлаш ва уларнинг ҳудудларини ободонлаштириш;
Бобур Мирзо меросига мансуб қўлёзма, қадимий китоблар, санъат асарлари ва бошқа маданий бойликларни реставрация қилиш, уларни ишончли даражада сақлаш учун зарур шароит яратиш;
хорижий мамлакатларда сақланаётган Заҳириддин Муҳаммад Бобурнинг ҳаёти, илмий-ижодий мероси ҳамда у яшаган даврга оид ноёб қўлёзма асарлар ва бошқа маданий бойликларни аниқлаш, уларнинг нусхаларини Ўзбекистонга олиб келиш ва тадқиқ қилишни давом эттириш;
Заҳириддин Муҳаммад Бобурнинг илмий-ижодий меросини, давлатчилик ва саркардалик фаолиятини кенг ўрганиш мақсадида халқаро миқёсда илмий изланишлар олиб бориш ва уларнинг натижаларини эълон қилиш, янги илмий, бадиий-публицистик асарлар яратиш;
Заҳириддин Муҳаммад Бобурнинг ҳаёти ва фаолиятига бағишланган юқори сифатли медиа маҳсулотлар ҳамда аудиовизуал асарлар яратиш, уларни маҳаллий ва хорижий оммавий ахборот воситаларида эълон қилиш, Интернет ва ижтимоий тармоқларда кенг тарғиб қилиш;
Ўзбекистон Республикасининг хорижий мамлакатлардаги элчихоналари, Ўзбек миллий маданий марказлари, ватандошлар жамиятларида Заҳириддин Муҳаммад Бобур ижодини кенг ўрганиш ва тарғиб қилишга бағишланган маърифий тадбирлар, давра суҳбатлари ташкил этиш каби вазифалар қайд этилган.
Тошкент ислом институтида ҳам ана шундай тадбирлар доирасида Заҳириддин Муҳаммад Бобур таваллудининг 540 йиллиги муносабати билан “Тиллар” кафедраси катта ўқитувчиси Ф.Ерназаров, Ёшлар билан ишлаш, маънавият ва маърифат бўлими ходими Ш.Бадиев ҳамкорликда 1-сонли талабалар турар жойида истиқомат қилувчи талабалар учун давра суҳбати ташкил этилди.
Тадбирда Заҳриддин Муҳаммад Бобур ҳаёти ва фоалиятини осонроқ ўрганиш мақсадида блиц савол-жавоб викторинаси ўтказилди. Топқир ва билимдон талабаларга эсдалик совғалари топширилди.
Заҳриддин Муҳаммад Бобур — буюк ўзбек шоири, мутафаккир, тарихшунос ва давлат арбоби; бобурийлар сулоласи ва салтанати асосчиси. Бобурнинг илмий меҳнатлари орасида “Аруз ҳақида рисола” (1523-25) алоҳида ўрин эгаллайди, унда шарқий аруз вазни кўриб ўтилади. 1521 йил исломнинг бешта шариат устуни баён этилган фалсафий-диний “Мубаййин” асарини ёзган.
Заҳриддин Муҳаммад Бобур 1483 йил 14 февраль куни Андижонда таваллуд топган, Фарғона ҳукмдорининг ўғли, Амир Темурнинг эвараси. Бобур 1494 йил Фарғона ҳокими бўлади, 1526 йил Ҳиндистонда марказлашган бобурийлар давлатига (жаҳон тарихига “буюк мўғуллар салтанати” бўлиб кирган) асос солиб, Ҳиндистон инглизлар томонидан босиб олинишига қадар (1848) мавжуд бўлган. Агра шаҳрида 1530 йил 26 декабрь куни вафот этган.
Бобурнинг шеърий мероси кўпқиррали ва бой. Насрий асарлари (1519) “Қобул девони”га, сўнра (1529-30) “Ҳинд девони”га жамланган. У шарқ насрий жанрларида 10 дан зиёд шеърлар ёзган. Шеърларида унинг шахсий ҳаёти, атроф-муҳити ва тарихий ҳодисалар акс этилган. Бобур шеъриятининг асосини ишқий-насрий мазмундаги шеърлар ташкил этади. Шоир санъати ўзига хос адабий услуб ва маҳорат, туркий тилнинг ифодалироқ воситалари орқали тасвирланади.
Унинг шеърларида ўз даврининг тарихий ҳодисалари, шоирнинг шахсий ҳаёти, атроф-муҳит, инсонга бўлган муносабат, дин, давр анъаналари ва ахлоқлари воқеълик ила акс этган.
Бобурнинг шеърлари — шоирнинг таржимаи холи, десак муболаға бўлмайди. У орқали ижодкор шоирона тил орқали теран туйғуларни баён қилади, ҳаётий ҳодисалар тўқнашуви натижасида ҳосил бўлган ташвишларни моҳирона сўзлайди.
Бобур шеъриятининг асосини ишқий-насрий шеърлар ташкил этади. Ижодининг асосий қирраларидан бири, чинакам инсоний, дунёвий, ҳақиқий севгини куйлаганлигидир. Шоир лирикаси Алишер Навоий шеъриятидан илҳомланиш билан тўйинган. Ўзининг ғазал ва рубоийларида у севги, дўстлик, гўзалликка интилиш каби инсоний муаммоларни кўтарган. Дунёвий севгини шоир инсоннинг энг порлоқ унвони сифатида тараннум этади.
Бобур ошиғи билан учрашув учун севгининг исталган қийинчиликларини енгиб ўтишга тайёрлигини таъкидлайди. Катта самимият ила шоир севги учун ўзини борлиғи билан қурбон қилишга ҳам тайёрлигини ифодалайди.
ТИИ Матбуот хизмати
