Самарқандда ўтказилаётган “Имом Абу Мансур Мотуридий ва мотуридия таълимоти: ўтмиш ва бугун” мавзусидаги халқаро конференцияда юқори мартабали меҳмон, дунёга машҳур “Ал-Азҳар” мажмуаси раҳбари, Миср Бош имоми Шайх Аҳмад Таййиб ҳам иштирок этмоқда. Анжуманнинг очилиш маросимида Шайх Аҳмад Таййиб жанобларига Самарқанд шаҳрининг фахрий фуқароси унвони берилган эди. Танаффус чоғида “Ал-Азҳар” мажмуаси раҳбарига Ўзбекистон Республикаси Президенти Шавкат Мирзиёевнинг эзгу тилаклари ёзилган номаси ва Бурҳониддин Марғиноний “Ҳидоя” асарининг XIII асрга оид нусхаси факсимилеси топширилди. Шайх Аҳмад Таййибга ушбу юксак эътибор учун миннатдор эканлигини қайд этиб, Президентимизга ҳам ўзининг чексиз эҳтиромини билдирди. Туҳфа қилинган ноёб китоб эса “Ал-Азҳар” мажмуасида қимматли тарихий манба сифатида ўрганилиши ва янада кенг тадқиқ этилишини маълум қилди. Манба: Дишлари бўйича қўмита матбуот хизмати 367
Бугун Тошкентдаги “Hilton Toshkent City” меҳмонхонасида “Сурия ва Ироқдан қайтариб олиб келинганларни реабилитация ва реинтеграция қилиш бўйича Марказий Осиё мулоқоти: Ўзбекистон тажрибаси” мавзусида халқаро илмий-амалий конференция бўлиб ўтмоқда. Унда БМТ Тараққиёт дастури, ЕХҲТнинг мамлакатимиздаги ва минтақавий ваколатхоналари, АҚШнинг Ўзбекистондаги элчихонаси раҳбари, қўшни давлатлар, уларнинг вазирлик ва идора- экспертлари, халқаро ташкилот ва дипломатик ваколатхоналар ходимлари, шунингдке, Ўзбекистон эксперт-таҳлил доиралари ва жамоатчилиги, Ўзбекистон Ташқи ишлар, Меҳнат, Маҳалла ва оилани қўллаб-қувватлаш вазирликлари, Вазирлар Маҳкамаси ҳузуридаги Дин ишлари бўйича Қўмита, Президент ҳузуридаги стратегик ва минтақалараро тадқиқотлар институти, Республика реабилитация маркази, Дин ишлари бўйича қўмита, ва бошқа ташкилот вакиллари ҳам қатнашмоқда. Гувоҳи бўлганимиздек, Ўзбекистонда террористик, экстремистик ёки бошқа таъқиқланган ташкилот ва гуруҳларга адашиб кириб қолганларнинг қамоқда жазо ўтаётган 4 мингдан ортиқ кишига нисбатан авф қўлланилиб, уларнинг қилган ишларидан чин дилдан тавба қилган ва ўзини-ўзи тузатиш йўлига қатъий киришган инсонлардир. Шу нуқтаи назардан, Президентимиз томонидан нафақат Ўзбекистонда, балки бутун Марказий Осиё минтақасида мисли кўрилмаган чора-тадбирлар – “Меҳр-1” ва “Меҳр-2” инсонпарварлик ҳаракатлари натижасида 261 нафар аёл ва бола яқин Шарқ ва Афғонистондаги қуролли тўқнашувлар учоқларидан қайтарилди. Ўз вақтида уларга тиббий, психологик, моддий ва маънавий ёрдам кўрсатиш бўйича давлат даражасида чора-тадбирлар мажмуаси амалга оширилди.Қилинган кўплаб ишларнинг ижобий натижаси бўйича олиб бораётган ишларини ўрганиш мақсадида меҳмонлар билан Сурхондарё вилояти Термиз шаҳрига ташриф уюштириш кўзда тутилган. Дарҳақиқат, бунда Ўзбекистоннинг ижобий тажрибасини минтақавий ва халқаро ҳамжамиятга етказиш ва тиббий ёрдам, таълим ва бошқа ижтимоий дастурлардан фойдаланиш, шунингдек, руҳий-ижтимоий ёрдам билан таъминлаш масалаларини ўрганиш; бу борада хорижий давлатлар учун қизғин муҳокама қилинадиган масалалар бўйича амалий тавсияларни ишлаб чиқиш назарда тутилган. ТИИ матбуот хизмати 422
Миср Бош имоми, Ал-Азҳар мажмуаси раҳбари шайх Аҳмад Муҳаммад Таййиб бошчилигидаги делагация “Имом Абу Мансур Мотуридий ва мотуридия таълимоти: ўтмиш ва бугун” мавзусидага халқаро конференциянинг танаффус вақтидан фойдаланган ҳолда Ўзбекистон мусулмонлари идораси раиси, муфтий Усмонхон Алимов ҳазратлари ҳамкорлигида Имом Мотуридий мақбарасини зиёрат қилди. Қуръон тиловат қилинди. Юқори мартабали меҳмонга мазкур мажмуанинг обод қилиниши ва келгусидаги режалар, Чокардиза қабристони ҳақида батафсил маълумот берилди. Миср бош имоми зиёратгоҳдан қайтиш чоғида мазкур мажмуа раҳбарига “Имом Термизийга борсангиз мисрлик шогирдингиз салом айтди” деб ўз саломини етказишни сўради. Шундан сўнг меҳмонлар Имом Бухорий мажмуасига йўл олдилар. Муҳаддислар султони Имом Бухорий раҳматуллоҳи алайҳнинг равзалари ёнида тиловат ва дуо қилинди. Бир пиёла чой устида муфтиёлар ўртасида суҳбат бўлди. Шунингдек, меҳмонлар Имом Бухорий халқаро илмий тадқиқот марказига ҳам ташриф буюрдилар. Бу жойда марказ фаолияти билан яқиндан танишган Аҳмад Муҳаммад Таййиб марказнинг фахрий меҳмонлар китобига дастхат ёзиб қолдирди. Манба: ЎМИ Самарқанд вилоят вакиллиги ахборот хизмати 416
“Дунё” ахборот агентлиги Малайзия Миллий университети профессори, Ислом цивилизацияси институти асосчиси Моҳд Юсуф Ҳожи УСМОНнинг интервьюсини эълон қилди: – “Имом Абу Мансур Мотуридий ва мотуридия таълимоти: ўтмиш ва бугун” мавзусидаги халқаро конференция ташкилотчиларига тадбирни ислом цивилизацияси маркази – Ўзбекистонда ўтказиш қарори учун миннатдорлик билдирамиз. Имом Абу Мансур Мотуридий ҳаёти, илмий фаолияти билан яқиндан танишмиз. Буюк исломшунос олим ислом динининг маърифатпарвар дин эканини IX-X асрларда ёқлаб чиққан. Исломни ўз моҳиятидан четлаб қилинган турли талқинларга қарши турган. Алломанинг фикрлари ҳануз ўз долзарблигини йўқотмаган. Ўзбекистон – Хоразмий, Беруний, Фаробий, Имом Бухорий, Имом Термизий ва Имом Абу Мансур Мотуридий каби буюк алломалар ватанидир. Бутун ислом дунёси бу шахсларни Ўзбекистон марваридлари, деб тан олади. Чунки улар ислом таълимоти билан бирга, математика, алгебра, тиббиёт, астрономия, жамиятшунослик, ҳуқуқ, антропология ва бошқа фанлар ривожига ҳам салмоқли ҳисса қўшганлар. Manba: uza. uz 414
“Имом Абу Мансур Мотуридий ва мотуридия таълимоти: ўтмиш ва бугун” мавзусидаги халқаро анжуман бугун, 3 март куни соат 9.00да ўз ишини бошлади. Дастлаб меҳмонлар ва конференция иштирокчилари учун “Форумлар саройи” биносида фотосессия ташкил қилинди. Шундан сўнг анжуман ўз ишини Қуръони карим тиловати билан бошлади. Анжуманнинг бугунги дастури бўйича хорижлик ва маҳаллий олимлар томонидан маърузалар қилиниши белгиланган. ЎМИ Самарқанд вилоят вакиллиги ахборот хизмати Манба: muslim.uz 538
