Аввал хабар берганимиздек, 2018 йил 16 апрель куни “Диний-маърифий соҳа фаолиятини тубдан такомиллаштириш чора-тадбирлари тўғрисида” Ўзбекистон Республикаси Президентининг фармони имзоланди. Унга кўра диний-маърифий соҳа фаолияти бўйича бир қатор муҳим ўзгаришларни амалга ошириш чора-тадбирлар дастури Фармоннинг 1-иловасида келтирилган. Дастурнинг биринчи, «Диний-маърифий соҳага оид норматив-ҳуқуқий ҳужжатлар базасини такомиллаштириш» бандининг 3-устунида «Ўзбекистон Республикаси фуқароларининг хорижий диний таълим муассасаларида ўқишларини тартибга солувчи Ҳукумат қарорини ишлаб чиқиш ва қабул қилиш» вазифаси белгилаб қўйилган. 2018 йил июнь ойига қадар Дин ишлари бўйича қўмита, Олий ва ўрта махсус таълим, Ташқи ишлар ва Адлия вазирликларидан тузилган ишчи гуруҳ тегишли вазирлик ва идоралар билан келишган ҳолда мазкур ҳужжат лойиҳасини Вазирлар Маҳкамасига киритадилар. 325

Жорий йилнинг май ойи давомида “Ҳадиси шариф билимдони” танлови ўтказилади. Бу ҳақда ЎМИ сайти хабар тарқатди. Хабарда айтилишича, Ёшлар масалалари бўйича республика идоралараро кенгашининг 2018 йил 22 январдаги 1-сонли мажлис баёни ижроси юзасидан жорий йилнинг май ойи давомида “Ҳадиси шариф билимдони” танлови ўтказилади. Танловда Ўзбекистон мусулмонлари идораси тасарруфидаги диний таълим муассасалари талабалари, ёш имом-хатиблар ҳамда ҳадис илмига қизиқиши бўлган 14 ёшдан 30 ёшгача бўлган фуқаролар иштирок этишлари мумкин. Танловда иштирок этиш истагида бўлган фуқаролар 2018 йилнинг 20-25 апрель кунлари мобайнида Ўзбекистон мусулмонлари идорасининг Қорақалпоғистон Республикаси қозиёти, Тошкент шаҳри ва вилоятлар вакилликларида рўйхатга олинади. Танловнинг биринчи босқичи 2018 йилнинг 1-5 май кунлари давомида вилоятлар кесимида ўтказилади. Танловда иштирок этиш шартлари қуйидагича: Танловда диний таълим муассасалари талабалари, ёш имом-хатиблар ҳамда ҳадис илмига қизиқиши бўлган камида 40 та ҳадисни (арабча матни билан) ёддан билган 14 ёшдан 30 ёшгача бўлган фуқаролар иштирок этишлари мумкин. Танлов учта шартдан иборат бўлади: – Имом Бухорий ва Имом Термизийнинг ҳаёти ва илмий фаолиятини ёритиб бериш; – берилган ҳадисни шарҳлаб бериш (ҳадисни таржима қилиш ва ундан олинадиган фойдаларини баён қилиш); – ҳадисни араб тилидаги матнини ровийлари билан ёддан айтиб (берилган боблар бўйича биттадан ҳадис айтиш) бериш. Танловнинг республика босқичини ўтказиш вақти қўшимча эълон қилинади. 350

Кувайтда жорий йилнинг 10-18 апрель кунлари ўтказилган 9-Халқаро Қуръон тиловати мусобақаси ғолиблари маълум қилинди. Малайзиялик қори Устаз Азрай Абдул Ҳақ мусобақанинг тиловат йўналишида ғолиб деб топилди. “Тhemalaymailonline” нашри хабарига кўра, Азрай Қуръон тиловати бўйича 96 балл тўплаб 75 мамлакатдан келган даъвогарлар ичида ғолибликни қўлга киритган. Малайзия вакилига мукофот пули ва диплом топширилган. “Москва, Туркия ва Эрондаги Қуръон мусобақаларида иштирок этганим бу гал Қуръон тиловатимни анча яхшилашимда катта тажриба бўлди”, – деди малайзиялик Устоз Азрай Абдул Ҳақ. Қувайтдаги Қуръон мусобақасида Эрон вакили Меҳди Ғуломажот иккинчи, марокашлик қори учинчи ўринни эгаллаган. Эслатиб ўтамиз, ушбу мусобақада Тошкент ислом институти талабаси 3-курс талабаси Абдулазиз қори Раҳмонберди ҳамда “Ҳазрати Имом” масжиди имом ноиби Исмоил қори Қурбоновлар иштирок этган эдилар. 311

Аввал хабар берганимиздек, 19 апрель куни юртимиз қори ва қориялари 35-Халқаро Қуръони карим мусобақасида иштирок этиш учун Теҳрон шаҳрига жўнаб кетган эдилар. 20-26 апрель кунлари Эрон Ислом Республикасининг Вақф ва хайрия ишлари ташкилоти томонидан ташкил этилаётган мусобақада дунёнинг 84 давлатидан келган иштирокчилар қатнашади. Ушбу халқаро мусобақада институтимиз 4-курс талабаси Туйғун Иброҳим тиловат йўналиши бўйича иштирок этади.   Мусобақа меҳмонларига барча шароитлар яратилган бўлиб, Лаҳел халқаро меҳмонхонасидан жой олган иштирокчилар учун мусобақадан ташқари вақтларда тадбирлар режаси бўйича диққатга сазовор жойларга ташрифлар амалга оширилмоқда. Бугун баҳсларларга старт берилган бўлиб, юртимиз қорилар ҳали мусобақада чиқиш қилганлари йўқ. Эслатиб ўтамиз, Аёл-қизлар ўртасидаги баҳсларда “Хадичаи Кубро” ислом билим юрти талабаси Юсуфий Роқия ҳифз йўналиши бўйича қатнашади. Шунингдек, Ислом билим юртлари қори талабалари ўртасида ўтказиладиган 2-халқаро мусобақада Бухоро шаҳридаги “Мир Араб” олий мадрасаси талабаси Атовуллаев Абдураҳмон иштирок этса, қориларнинг кўзи ожизлар халқаро 3-Қуръони карим мусобақасида “Имом Фахриддин ар-Розий”  ўрта махсус ислом билим юрти ходими Бегов Бекзод қатнашади. 300

Билим инсонни саодатга етаклайди. Зеро энг мусаффо ва нурли ҳаётга олиб борувчи йўл – илм йўлидир. Шундай экан, ёшларни илмга қизиқтиришда ва унга тарғиб қилишда Ислом таълимотига тенг келадиган тарғиботчи йўқ десак, ҳеч ҳам муболаға бўлмайди. Чунки ислом динида биринчи фарз бўлган амал бу – илм олиш ҳисобланади. Аллоҳ таолонинг аввал нозил қилган сўзи ҳам “Ўқи” деган хитоб эди. Қолаверса, ислом умматининг биринчи муаллими, суюкли Пайғамбаримиз Муҳаммад саллоллоҳу алайҳи васаллам ҳам: “Илмни Чинда (Хитойда) бўлса ҳам ўрганинглар” деб умматини илмга чорлаганлар.  Юртимизда ҳар доим илмга чанқоқ халқимиз томонидан “Билимлар беллашуви” деб этироф этиладиган анъана мавжуд. Республикамиздаги турли олий ва ўрта махсус билим юртлари ўртасида “Республика фан олимпиадаси” ўтказилади. Бунда келажак соҳиблари бўлмиш ёш талабалар ўзларининг илмий салоҳиятларини намоён қиладилар. Бу каби тадбирлар албатта ёшларимизни илмга қизиқтиради. Ўзбекистон Республикаси Олий ва ўрта махсус таълим вазирининг 2018 йил 7 апрель кунги №301 рақамли “2018 йилда Олий таълим муассасалари талабалари Республика фан олимпиадасини ташкил этиш ва ўтказиш тўғрисида”ги  қарорига мувофиқ Имом Бухорий номидаги Тошкент ислом институтида ҳам жорий йилнинг 20 апрель куни Институт талабалари ўртасида “Диншунослик” фани бўйича “Республика фан олимпиадаси” нинг  биринчи босқичига саралаш мусабақаси ўтказилди. “Ижтимоий фанлар” кафедраси мудири А.Тошпўлатов 433