Жазоир оммавий ахборот воситалари Ўзбекистон ва Индонезия давлатларидаги масжидлар, мадрасалар ва бошқа диққатга сазовор тарихий обидаларда туркум кўрсатувлар тайёрламоқда. Теледастурлар Рамазон ойи мобайнида Жазоир телеканалларида ва интернетдаги видео порталларда намойиш этилади. Бугун 26 апрель куни мазкур телеканал Рамазон теледастурларининг навбатдаги сонини Ҳазрати Имом мажмуасида суратга олди. Шу аснода Тошкент ислом институтида ҳам кўрсатувнинг бир қисми тайёрланди. Институт Маънавий-маърифий ишлар бўйича проректори Жаҳонгир Мелиқўзиев мухбирларга Олий маъҳад тарихи ва бугунги кундаги фаолияти тўғрисида маълумот берди. Шунингдек, “Ўзбекистон Қуръон мусобақаси-2018” ғолиби Йўлдош қори Нуриддинов ҳам кўрсатув учун интервью берди. 532

Бугун, 26 апрель куни Уфа шаҳрида “Ёшлар экстремизми: замонавий вазият ва қарши туриш йўллари” номли Умумроссия илмий-амалий анжумани ўтди. Уфа илмий-амалий анжумани Россия Федерацияси Таълим ва фан Вазирлиги, Россия мусулмонлари марказлашган диний идораси, Бошқирдистон Республикаси раҳбарияти қошидаги давлат-конфессионал муносабатлари бўйича Кенгаш раҳнамолигида ташкил этилмоқда. Ушбу нуфузли анжуманда Вазирлар Маҳкамаси ҳузуридаги Дин ишлари бўйича қўмита Диний таълим бўлими бошлиғи Муҳаммадолим Муҳаммадсиддиқов ва Имом Бухорий номидаги Тошкент ислом институти ректори Уйғун Ғафуровлар иштирок этимоқдалар. Анжуман доирасида “МДҲ мамлакатлари мусулмонлари диний идоралари: диний бирдамлик халқаро экстремизмга қарши курашиш йўлидаги омилдир” номли халқаро форум бўлиб ўтади. М.Акмулла номидаги Бошқирдистон давлат педагогик университети, Россия мусулмонлари Марказий диний идораси қошидаги Россия ислом университети мазкур халқаро форумнинг ташкилотчилари саналади. Форумда МДҲ мамлакатлари ҳудудида экстремизмга қарши курашиш йўллари ва шаклларини кўриб чиқиш ҳамда биргаликда қўшма таклифлар ишлаб чиқиш ва ушбу масала бўйича тавсиялар бериш; МДҲ мамлакатлари ҳудудидаги диний таълим муассасалари ва ташкилотлари ҳамкорлиги ва ўзаро ҳамжиҳатлигини ривожлантириш бўйича ечимларни шакллантириш каби масалалар муҳокама этилади. Анжуман иши давом этмоқда.   498

Бугун Олмазор туманидаги Ёшлар иттифоқининг маданият саройида 21-24 апрель кунлари бўлиб ўтган эркаклар ўртасида «Ўзбекистон Қуръон мусобақаси-2018»нинг Республика босқичи ўз ниҳоясига етди. Аввал хабар берганмиздек, институтимиз 3-курс талабаси Нуриддинов Йўлдошбек қори Иброҳим ўғли «Ўзбекистон Қуръон мусобақаси-2018»нинг мутлақ ғолиби, олий ўрин соҳиби бўлиб, Президент совғаси – Ласетти автомобили билан тақдирланди. Тақдирлаш маросими ниҳоясига етгач, Президент совғаси – Ласетти автомобили Йўлдошбек қорининг устозлари ва курсдошлари ҳамроҳлигида Тошкент ислом институтига олиб келинди. Маъҳад ховлисида ғолибни кутиб олиш учун раҳбарият, устозлар ва талабалар ҳозир бўлишди. Йиғилганлар Йўлдошбек қори ва падари бузрукворларини бағирларига босиб муборакбод этдилар ва беихтиёр қўллар дуога кўтарилди. Барчага Қуръони карим нури ва барокати насиб бўлишини ва халқимизни Каламуллоҳ зиёсидан баҳра қилган мусобақа ташаббускорлари, ташкилотчилари ва иштирокчилари ҳақига қалбдан дуолар қилинди ва ғолиб бўлган Йўлдошбек қорининг кейинги ишларига ҳам баракалар тиланди. 478

Бугун Олмазор туманидаги Ёшлар иттифоқининг маданият саройида 21-24 апрель кунлари бўлиб ўтган эркаклар ўртасида «Ўзбекистон Қуръон мусобақаси-2018»нинг Республика босқичи ўз ниҳоясига етди. Аввал хабар берганмиздек, институтимиз 3-курс талабаси Нуриддинов Йўлдошбек қори Иброҳим ўғли «Ўзбекистон Қуръон мусобақаси-2018»нинг мутлақ ғолиби, олий ўрин соҳиби бўлиб, Президент совғаси – Ласетти автомобили билан тақдирланди. Шунингдек, мазкур мусобақа Тошкент ислом институти жамоаси учун хурсандчиликка бой бўлди. Сабаби, “Олий мукофот”дан ташқари диний таълим муассасалари талабалари ўртасидаги ҳифз йўналиши бўйича “Таҳфизул Қуръон” кафедраси номидан қатнашган 3-курс талабаси Муҳаммадхожи Мирзо қори Саидалиев 2-ўринни, тиловат йўналиши бўйича эса, яна шу кафедра 3-курс талабаси Ҳамидуллоҳ қори Нажмиддинов 3-ўринни эгаллади. Қайд этиш жоиз, ўзига хос ташкиллаштирилган мазкур тадбирда тиловат йўналиши ғолибларига икки кишилик, ҳифз йўналиши ғолибларига уч кишилик умра сафари сертификатлари ва ҳомийларнинг турли совғалари тақдим этилди. Натижалар билан танишинг: Эркаклар ўртасида 18-25 ёш бўйича тиловат йўналиши ғолиблари: 1-ўрин: Низомиддин қори Исмоилов (Тошкент шаҳри) 2-ўрин: Ҳасан қори Комилов (Қашқадарё вилояти) 3-ўрин: Нурмуҳаммед қори (Қорақалпоғистон республикаси) 26-40 ёш бўйича тиловат йўналиши ғолиблари: 1-ўрин: Расулбек қори Йўлдошев (Фарғона вилояти) 2-ўрин: Исроилхон қори Неъматжонов (Наманган вилояти) 3-ўрин: Файзираҳмон қори Мамажанов (Тошкент шаҳри) 18-25 ёш бўйича ҳифз йўналиши ғолиблари: 1-ўрин: Муҳаммадисо қори Маҳмудов (Фарғона вилояти) 2-ўрин: Аббосҳон қори Обидов (Тошкент вилояти) 26-40 ёш бўйича ҳифз йўналиши ғолиблари: 1-ўрин: Убайдуллоҳ қори Исҳоқов (Андижон вилояти) 2-ўрин: Абдулҳамид қори Саидазимов (Жиззаҳ вилояти) 3-ўрин: Аҳмаджон қори Ворисов (Наманган вилояти) Диний таълим муассасалари талабалари ўртасидаги мусобақа ғолиблари (тиловат йўналиши): 1-ўрин: Қодирали қори Аҳмаджонов (Мир Араб ўрта-махсус билим юрти) 2-ўрин: Азим қори Зиёвиддинов (Ҳидоя ўрта-маҳсус билим юрти) / Ҳамидуллоҳ қори Ҳикматуллаев (Муҳаммад ал-Беруний ўрта-маҳсус билим юрти) 3-ўрин: Ҳамидуллоҳ қори Нажмиддинов (Тошкент ислом институти) / Асрорхон қори Ҳамидов (Кўкалдош ўрта-маҳсус билим юрти) Диний таълим муассасалари талабалари ўртасидаги мусобақа ғолиблари (ҳифз йўналиши): 1-ўрин: Йўлдошали қори Нуриддинов (Тошкент ислом институти) 2-ўрин: Муҳаммадхожи Мирзо қори Саидалиев (Тошкент ислом институти) 3-ўрин: Фозилхон қори Бойхонов (Халқаро ислом академияси) Шунингдек, мусобақада турли номинациялар бўйича ҳам қорилар тақдирланди: Энг ҳушовоз Қуръон қориси номинацияси соҳиби: Муҳсин қори Содиқов (Фарғона вилояти) Энг ёш Қуръон қориси номинацияси соҳиби: Ҳабибуллоҳ қори Аҳмадов (Тошкент шаҳри) Энг матонатли Қуръон қориси номинацияси соҳиби: Арзибек қори Бегматов (Фарғона вилояти) 464

Бугун 24 апрель куни «Ўзбекистон Қуръон мусобақаси-2018”нинг Республика босқичи йигитлар ўртасидаги баҳслар  якунига етди. Мусобақа натижалари Олий маъҳад устоз ва талабаларини хурсанд қилди. Институтимиз талабаси 3-курс талабаси Йўлдошбой Нуриддинов 424 балл тўплаб Олий ўринни эгаллаб Олий мукофот Президент совғаси – Ласетти автомобилини қўлга киритди. Ғалаба муборак бўлсин, Йўлдош қорига, институт жамоасига! 476