شري و اشتري
«Шаро ва иштаро»
20-савол: «Шаро» ва «иштаро» сўзлари асли бир бўлган яқин маъноли сўзлардир. Лекин, Қуръон услубига кўра ва маъно жиҳатидан уларнинг орасида зиддият бор. «Шаро» калимаси Қуръонда «сотмоқ» маъносида келган бўлиб, у тўрт ўринда зикр қилинган, ўша оятлар қайси?
20-жавоб: Аллоҳ таоло айтади:
وَلَبِئْسَ مَا شَرَوْا بِهِ أَنْفُسَهُمْ لَوْ كَانُوا يَعْلَمُونَ
«Агар билсалар, ўзларини сотган нарса қандоқ ҳам ёмон!» (Бақара сураси, 102-оят).
وَشَرَوْهُ بِثَمَنٍ بَخْسٍ دَرَاهِمَ مَعْدُودَةٍ
«Ва уни арзон баҳога, саноқли дирҳамларга сотдилар» (Юсуф сураси, 20-оят).
فَلْيُقَاتِلْ فِي سَبِيلِ اللَّهِ الَّذِينَ يَشْرُونَ الْحَيَاةَ الدُّنْيَا بِالْآخِرَةِ
«Охират учун бу дунё ҳаётини сотадиганлар Аллоҳнинг йўлида жанг қилсинлар» (Нисо сураси, 74-оят).
وَمِنَ النَّاسِ مَنْ يَشْرِي نَفْسَهُ ابْتِغَاءَ مَرْضَاتِ اللَّهِ
«Ва одамлардан Аллоҳнинг розилигини тилаб жонини сотадиганлар бор» (Бақара сураси, 207-оят).
Таҳфизул Қуръон кафедраси ўқитувчиси Исломхон Убайдуллаев,
Қосим Ошурнинг “Қуръоний жавҳарлар: 1000 саволга 1000 жавоб”
китоби асосида тайёрлади
