خاطئ و مخطئ
41-савол: Луғат олимлари «хотиъ»нинг маъноси борасида шундай дейдилар: У (хотиъ) хатони қасд қилган киши бўлиб, у خطئ феълидан ясалган, «мухтиъ» эса, хатони қасд қилмаган, балки, қасд қилинмагани учун хато ундан афв сифатида келган, у أخطأ феълидан ясалган. Бу икки ҳолат ҳақида Аллоҳ таолонинг китобида далил борми?
41-жавоб: Биринчи маъно ҳақида Аллоҳ таолонинг сўзи:
وَلَا طَعَامٌ إِلَّا مِنْ غِسْلِينٍ لَا يَأْكُلُهُ إِلَّا الْخَاطِئُونَ
«Ва ғислийндан ўзга таом ҳам йўқ. Уни хатокорлардан бошқа ҳеч ким емас» (Ҳааққо сураси, 36, 37-оятлар).
إِنَّ فِرْعَوْنَ وَهَامَانَ وَجُنُودَهُمَا كَانُوا خَاطِئِينَ
«Албатта, Фиръавн, Ҳомон ва икковларининг аскарлари хатокорлардан бўлган эдилар» (Қасос сураси, 8-оят).
Иккинчи маъно ҳақида Аллоҳ таолонинг қовли:
وَلَيْسَ عَلَيْكُمْ جُنَاحٌ فِيمَا أَخْطَأْتُمْ بِهِ وَلَكِنْ مَا تَعَمَّدَتْ قُلُوبُكُمْ
«Билмасдан қилган хато нарсангиз учун сизга гуноҳ йўқ. Аммо дилдан қасд қилган бўлсангиз…» (Аҳзоб сураси, 5-оят).
لَا تُؤَاخِذْنَا إِنْ نَسِينَا أَوْ أَخْطَأْنَا
«Эй Роббимиз, агар унутсак ёки хато қилсак, (иқобга) тутмагин» (Бақара сураси, 286-оят).
Таҳфизул Қуръон кафедраси ўқитувчиси
Исломхон Убайдуллаев, Қосим Ошурнинг
“Қуръоний жавҳарлар: 1000 саволга 1000 жавоб”
китоби асосида тайёрлади.
