▫️ Юсуфхон тўра Шокиров 1926 йилда Қирғизистон Республикасининг Тўқмоқ шаҳрида машҳур ислом олимлари оиласида таваллуд топди. Шу ўринда минтақамизда ислом дини ривожига салмоқли ҳисса қўшган сулолалар қаторида Шокировлар оиласини ҳам алоҳида қайд этиш жоиз. Юсуфхон тўранинг оталари – Олимхон тўра Шокиров, Қўқон хони Худоёрхон амрига мувофиқ шариат хизмати учун Боласуғунга жўнатилган андижонлик Шокирхон тўранинг катта ўғли бўладилар (Шокирхон тўранинг Олимхон тўрадан кейинги иккинчи ўғли Алихон тўра Соғуний экани ҳаммага маълум). - Уйғун ҒАФУРОВ, Имом Бухорий номидаги Тошкент ислом институти ректори, тарих фанлари бўйича фалсафа доктори