21 апрель куни эрталаб “Ўзбекистон Қуръон мусобақаси-2018”нинг Республика босқичи Тошкент шаҳри Талабалар шаҳарчасидаги “Ёшлар маркази”да бошланган эди. Бугун финал босқичининг 2-куни бошланди. Мусобақа қизғин паллага кирди. Кўп босқичли мазкур мусобақанинг республика босқичи ғолибини аниқлашда «Олий мукофот» ўрни киритилди. Унга кўра барча йўналиш ғолиблари ичида энг юқори балл тўплаган иштирокчига гран-при- олий мукофот Президент совғаси -Ласетти автомобили топширилади. 36 та ғолиб аниқланадиган якуний босқичда Ҳифз йўналишида 1-ўрин соҳиблари ота-онаси билан, тиловат йўналишида 1-ўринга сазовор бўлганлар эса ҳамроҳи билан умра сафарига бориш имконига эга бўладилар. Шунингдек, иштирокчилар орасидан «Энг хушовоз Қуръон қорияси», «Энг ёш Қуръон қорияси» ва «Матонатли қори» номинациялари бўйича совриндорлар эълон қилинади. 594

21 апрель куни эрталаб “Ўзбекистон Қуръон мусобақаси-2018”нинг Республика босқичи Тошкент шаҳри Талабалар шаҳарчасидаги “Ёшлар маркази”да бошланган эди. Қизғин кечган баҳсларда, дастлаб, Тиловат йўналиши қорилари Қуръони каримни ўқиб беришди. Олдинги мусобақаларда, одатда, биринчи бўлиб Ҳифз қорилари чиқарди, бу гал Тиловат қорилари чиқиб мусобақани бошлагунча, ҳофиз қорилар муҳитга мослашадилар, ҳаяжонлари оз бўлсада йўқолади. Халқаро тажрибага кўра ташкил этилган мазкур мусобақада ҳар бир иштирокчи чиқишидан сўнг унинг баҳолари намойиш этилади. Ташкилотчилар тадбирни ранг-баранг ўтказишни режалаштирган бўлиб, маълум муддат оралиғида зийнат қорилар ва нашид айтувчиларга навбат берилмоқда. Тошкент ислом институти талабалари сермазмун нашидни маромига етказиб айтиб бериб йиғилганлар кайфиятини янада кўтарди. Шундай қилиб, 4 кун давом этадиган Қуръон мусобақасининг эркаклар ўртасида ўтаётган финал босқичининг 1-куни ўз ниҳоясига етди. Маъҳад талабалари финалнинг 3-куни чиқиш қилишлари кутилмоқда. 613

Бугун, 21 апрель куни “Ўзбекистон Қуръон мусобақаси-2018”нинг Республика босқичи Тошкент шаҳри Талабалар шаҳарчасидаги “Ёшлар маркази”да бошланди.  Мусобақа бошлангунга қадар институтимиз аъзолари бино ташқарисида ва ичкарисида хизматга шай бўлиб турдилар. Дастлаб, анаънага кўра Ҳусан қори Абдулмажидхон Қуръон тиловат қилди. Сўнг муфтий Усмонхон Алимов иштирокчиларни муборакбод этиб, тадбирни очиб берди. Давлат мадҳияси янграгач, Тиловат йўналиши баҳсларига старт берилди. Маълумот учун, 21-24 апрель кунлари (йигитлар) ва 25-26 апрель кунлари (аёл-қизлар) ўтказилади. Мусобақа жараёнини онлайн намойиш этиш учун барча ҳудудлардаги бош масжидлар ва йирик мажмуаларда катта ҳажмдаги мониторлар ўрнатилиб аҳолимиз учун қулай шароит яратилган. Эслатиб ўтамиз, ушбу босқичига институтимиз талабалари ҳам иштирок этмоқдалар. Мусобақа жараёнлари институтнинг @islaminstitutuz телеграм каналида фотолавҳалар шаклида ёритиб борилмоқда. 885

Аввал хабар берганимиздек, 2018 йил 16 апрель куни “Диний-маърифий соҳа фаолиятини тубдан такомиллаштириш чора-тадбирлари тўғрисида” Ўзбекистон Республикаси Президентининг фармони имзоланди. Унга кўра диний-маърифий соҳа фаолияти бўйича бир қатор муҳим ўзгаришларни амалга ошириш чора-тадбирлар дастури Фармоннинг 1-иловасида келтирилган. Дастурнинг иккинчи, «Диний-маърифий соҳада таълим-тарбия тизимини такомиллаштириш, кадрлар малакасини ошириш ва қайта тайёрлаш» бандининг 5-устунида Ўзбекистон Республикаси Вазирлар Маҳкамасининг «Ўзбекистон мусулмонлари идораси тасарруфидаги диний-маърифий таълим муассасалари фаолиятини янада такомиллаштириш чора-тадбирлари тўғрисида»ги қарори лойиҳасини ишлаб чиқиш вазифаси белгилаб қўйилган. 2018 йил июнь ойига қадар Дин ишлари бўйича қўмита, Олий ва ўрта махсус таълим вазирлиги, Ўзбекистон мусулмонлари идораси ва Ўзбекистон халқаро ислом академиясидан тузилган ишчи гуруҳ тегишли вазирлик ва идоралар билан келишган ҳолда мазкур ҳужжат лойиҳасини Вазирлар Маҳкамасига киритадилар. 589

Аввал хабар берганимиздек, 2018 йил 16 апрель куни “Диний-маърифий соҳа фаолиятини тубдан такомиллаштириш чора-тадбирлари тўғрисида” Ўзбекистон Республикаси Президентининг фармони имзоланди. Унга кўра диний-маърифий соҳа фаолияти бўйича бир қатор муҳим ўзгаришларни амалга ошириш чора-тадбирлар дастури Фармоннинг 1-иловасида келтирилган. Дастурнинг биринчи, «Диний-маърифий соҳага оид норматив-ҳуқуқий ҳужжатлар базасини такомиллаштириш» бандининг 3-устунида «Ўзбекистон Республикаси фуқароларининг хорижий диний таълим муассасаларида ўқишларини тартибга солувчи Ҳукумат қарорини ишлаб чиқиш ва қабул қилиш» вазифаси белгилаб қўйилган. 2018 йил июнь ойига қадар Дин ишлари бўйича қўмита, Олий ва ўрта махсус таълим, Ташқи ишлар ва Адлия вазирликларидан тузилган ишчи гуруҳ тегишли вазирлик ва идоралар билан келишган ҳолда мазкур ҳужжат лойиҳасини Вазирлар Маҳкамасига киритадилар. 599